لقاء كارثي

امينه…..بحزن هتبجي بخير يا ولدي متخافش ربنا كريم هينجيها و ينجيهم كلهم و يطمن جلبنا عليهم

هز سليم راسه بهدوء و سكت

علي…..ولااا اجمد متقلقش هتبقي بخير و ان شاء الله كلهم هيبقوا بخير

بصلوا عدي بحزن ومكانش عارف يقولوا حاجه حاسس بيه كان واقف جنبه هو و سليمان و محمود و الشباب

وفضل و البنات مع نعيمه الموقف كان وحش وصعب اوي

نادين كانت منهاره في حضن شيرين و عاصم

نادين…بهمس مش هيحصلهم حاجه يا مامي صح

شيرين…بحزن لا ان شاء الله يا حبيبتي يخرجوا كلهم بالسلامه و الله هنطمن عليهم و نفرح كلنا

عاصم…..نادين يا قلبي بطلي عياط صاحبتك محتجالك هي في وقت مش حلو الوقت و اكيد محتاجه ليكم كلكم تهدوها

نادين….بدموع مش عارفه اعملها حاجه يا بابي

عاصم…كفايه تقفي جنبها وتهديها وتطمنيها هي محتجالكم يا حبيبتي

شيرين….لا حول ولا قوه الا بالله ان شاء الله خير و الله

خدها فضل قعدها جنب ليله و فضل واقف قدامها قرب من ليله باس راسها

فضل…..كويسه

بصتلوا ليله بحزن فظيع و هزت راسها

طبطب علي راسها و بعيدن قعد علي ركبه قدام نعيمه و بصلها

فضل….. ادعي ادعي كتير

نعيمه….بدموع انا خايفه يا فضل

فضل…..باس كفها و بصلها متخافيش انا معاكي وهما شويه وهنطمن عليهم ادام محدش خرج لحد الوقت يبقوا بيلحقوهم واكيد هيبقوا كويسين

نجود….مسحت دموعها ادعيلهم يا قلبي ادعيلهم والله هيرخجوا و هيبقوا زي الفل

نعيمه…..ياريتني ما قولت نسافر يارتيني ما خدتهم

فضل….لا لا متقوليش كده ده مش ذنبك

نجود…ده مكتوب يا قلبي مكتوب والله

امينه…قربت منها وحدي الله يا بتي واستغفري ربك و ادعيلهم

نعيمه…يارب خرجهم بالسلامه يارب يارب انا مليش غيرهم

باس كفها تاني و فضلوا كلهم يهدوها

نعيمه….يا ليله يا ليله والنبي انتي شوفتيهم معايا قولي انهم هيبقوا كويسين متسكتيش كده

بصتلها ليله بوجع و كل ما تنادي عليها تحس بالعجز اكتر هي بتستنجد بيها و ليله مفيش حاجه في ايدها غير انها تضمها لحضنهاو تطبطب عليها…

ليله…بهمس هيخرجوا و هيبقوا كويسين و لازم تكوني قويه عشان هما ملهم محتاجينك

نعيمه… بانهيار في حضنها والله ما قادره مرعوبه يا ليله العربيه اتدمرت

ليله.. عارفه عارفه بس هيبقوا كويسين حاسه بيكي اهدي عشان خاطري

سلامه….بهدوء اقعدي انتي مش قادره