لقاء كارثي
لقاء كارثي
اول حد نزل من الاسعاف كان عادل و بعديه السواق و بعده نجلاء و نادر دول خدوهم بسرعه ملحقتش نعيمه تشوفهم ملمحتش غير نسمه
كان و شها غرقان دم و راسها و رايحه خالص بمجرد ما شافتها بقت تصرخ.
نعيمه…نسسسسسمه نسمه ردي عليا والنبي ردييييي نسمه لا والنبي الحقوها بسرعه
فضلت ماسكه في ايدها و تجري معاهم هي و ليله لحد ما دخلوها و سابوهم بره
نعيمه….بصت لليله و هي منهاره اعملي حاجه يا ليله اعملي حاجه والنبي
قربت منها ليله خدتها في حضنها من غير ولا كلمه و ضمتها اوي فضلت نعيمه تعيط الناس كلها كانوا بيبصوا عليهم و صعبان عليهم نعيمه اللي منهاره.
خدتها ليله و وقفوا جنب الحيطه و مسكت في ايد نعيمه كانت عماله تبصلها حاسه انها عاجزه لا في كلام تقولوا يهون عليها ولا في حاجه في ايدها تقدر تعملها عشان تهدأ مكانش في حاجه تتقال او تتعمل في الموقف ده ..
قرب منها الشاب اللي معاه الحاجه و كذا شاب معاه
الشاب…بص لليله ااا ربنا يطمنكم عليهم يارب انا والشباب كنا واقفين و دي الحاجه بتاعتهم لما عدلنا العربيه و خرجناهم كان معاهم الشنط والحاجه دي و فيها كمان مبويلات
نعيمه….بدموع انت شوفتهم قولي هما كويسين اوعي تقول ان حد فيهم جراله حاجه والنبي
بصلها الشاب بتأثر و مكانش عارف يقولها ايه
الشاب….ااا معرفش والله الاسعاف خدتهم بسرعه بس اطمني ان شاء الله خير هيبقوا كويسين دي حاجتهم
مد ايده لليله خدتها منه بهدوء
الشاب…..محتاجين اي مساعده عايزين مننا اي خدمه
هزت ليله راسها بهدوء كانت في حالة ذهول تامه لسانها مش بينطق
الشاب….طيب ده الكارت بتاعي لو في اي حاجه احتاجتوها تقدري تكلميني ماشي
هزت ليله راسها بهدوء و خدت منه الكارت و بعدين استأذنوا الشباب و مشيوا
سابت ليله الحاجه علي الارض و حطت الكارت في شنطه من الشنط
عينهم كانت علي المكان اللي دخلوا منه مستنين حد يطلع يطمنهم يقول ابشع حاجه في الدنيا حالتهم خطر في غيبوبه فيهم اي حاجه الا انهم راحوا
دقايق بسيطه و وصل تامر كان داخل بيجري و هو مش عارف مين فيهم اللي وقع عارف عربياتهم بس مكانش عارف مين اللي راكب فيها
قرب بسرعه من الريسيبشن
تامر…ااا لو سمحت في حادثه عربيه وقعت من الكوبري الناس اللي فيها فين
الموظف….اخر الطرقه شمال في يمين
