لقاء كارثي

و كل ده راح في ثانيه من قبل حتي متعرفش يمكن كانت شاكه الفديو اللي شافته خلتها حست انها حامل بس غير احساسها هي الداخلي بكل التغيرات الي بتحصلها بس للاسف اتاكدت من شكها بطريقه ما تتمنهاش لاي ست في الدنيا..

بصت عالارض و بدأت تحس ان الدم بيزيد و بينزل وفي نقط مسكت ((البيديه )) او الشطاف الخارجي اللي بيبقي متعلق جنب التويلت و فضلت تضغط عليه عشان المايه تحرك الدم كانت بصاله وهو بيجري مع المايه علي فتحه الصرف وهي دموعها نازله وقلبها بيتقطع احساسها لان ده ابنها كان هيموتها

حاولت تنزله قبل ما رحاب تيجي عشان لو شافت الدم هتتخض اكتر و ممكن تصمم حد يعرف

……………..

اما في الخارج كان في خاله من الفوضي حاصله بينهم كلهم دموع عياط صدمه صريخ نعيمه اللي مش بيقف

سلمي…..بدموع وهي حضناها نادين روحي اطمني علي ايمي وايه وللنبي شوفيهم

نادين…بدموع سيبيلي نعيمه انا مش هعرف اتصرف روحي هما معاهم

سلمي….بدموع علا تعالي انتي وريهام خليكم مع نادين متسيبوش نعيمه والنبي

علا….روحي متخافيش

قربوا منها و مان معاهم زوجات عشري و زوجات فضل الكل بيحاول يهديها و يبقي جنبها

ريهام… بدموع نعيمه والنبي امسكي نفسك شويه انا عارفه و الله ان اللي بطلبه ده صعب وغصب عنك بس هيجرالك حاجه

نعيمه……امي وابويا يا ريهاااااام اااااااه حد فيكم يقولي اني بحلم قولولي اني في كابوس والنبي طيب اخواتي اللي في خطر دول هيروحوا معاهم همووووووت يارب هموت يارب

قرب فضل جري وجه تاني عليها كان بيجيب مايه

نادين…..فضل ايمي كويسه هي وايه ؟

فضل…بحزن بخير بخير نعيمه قومي عشان خاطري يا قلبي من الارض

قربت نجود وحنان منهم

حنان…قومي يا نعيمه والنبي قومي يا قلبي

نعيمه……امي راحت يا جوجو مني ابويا راح مني اخواتي بيروحوا

فضل….نعيمه خدي اشربي

نجود…بدموع بعد الشر بعد الشر هيقوموا ويبقوا كويسين

حنان….نعيمه قلبي لازم تجمدي اخواتك ياقلبي محتاجنيك اجمدي عشان لما ربنا ياخد بايدهم و يشفيهم تبقي قادره تقفي جنبهم

نعيمه……بدموع اقولهم اييييييه اقولهم ايه والنبي و الله ما هعرف اقول حاجه مش هقدر هبص في وشهم ازاي هقويهم ازاي وانا اضعف حد في الدنيا دول لو عرفوا هيروحوا فيها

فضل….طيب بصي احنا مش هنفكر في حاجه الوقت المهم يبقوا بخير وبس انا بس عايزك تهدي عشان خاطري