لقاء كارثي

جري فضل بسرعه هو والشباب

فضل…لو سمحت طمنونا

الممرضين…..متقلقوش خير

ثواني و جه اتنين دكاتره بسرعه بيمدوا

رشيد…دكتور طمنا من فضلك احنا تبع الحادثه

الدكتور….معنديش حاجه انا لسه هدخل اطمن

رشيد..يطب بالله عليك اي حد يخرج يطمنا

الدكتور…حاضر خلينا بس نطمن الاول عليهم

دخلوا و هما رجعوا مكانهم نعيمه كانت مرعوبه و منهاره خمس دقايق كمان وخرج دكتور تاني خالص من المكان و معاه ممرضه بسرعه و قرب منهم

حسان…يا دكتور من فضلك احنا محتاجين نطمن علي الناس اللي جوه

حماده…ارجوك يا ابني ريحنا الهي يريحك محدش بيقول حاجه

الدكتور….متقلقوش ان شاء الله خير انا مش هقدر اقف كتير لاني لازم اكون معاهم نطمن عليهم و صدقني هخرج اطمنكم بنفسي بس مش هكدب عليكم في حالات خطيره و هيدخلوا عمليات حالا و عايز بس حد يمضي اقرار بالموافقه علي العمليه

فضل…لمين طيب و في ايه احنا مش عارفين؟

نعيمه….ابوس ايدكي يا دمتور اللي جوه دول اهلي انا مليش غيرهم امي وابويا واخواتي ارجوك اعمل كل اللي تقدر عليه

الدكتور….صدقيني محدش فينا مقصر انا بس عايز موافقه عشان العمليه هي لشاب صغير

غمضت عينها وهي منهاره وحاطه ايدها الاتنين علي صدرها

نعيمه….اخووويا تاامر

عشري….اقرار ايه هو ماله طيب

الدكتور…. انا مش هكدب عليكم حالته مش كويسه عنده نزيف داخلي شديد وإصاباته متعددة نتيجة الحادث و في كسور

إحنا مش ضامنين حجم الإصابات إلا بعد ما نفتح جراحياً لكن لو اتأخرنا فرصة نجاته هتقل بشكل كبير

حطت ايدها علي وشها وانهارت خدتها ليله في حضنها

فضل….نعيمه نعيمه لازم نمضي لازم يدخل حالا

نعيمه…..هيروح مني يا فضل

فضل….بحزن فظيع مش هيروح والله ما هير ح بس لازم نلحقه امضي انا بدالك

هزت راسها و هي بتعيط

نادر…..تمام يا دكتور فين الاقرار

الدكتور….اتفضل مع الممرضه و انا ان شاء الله بس نحاول نسعف الحالات وهطمنك لنفسي

احمد….شكرا يادكتور و ارجوك اعملوا كل اللي في ايدكم

الدكتور…اطمن بعد اذنكم

الكل كان حوالين نعيمه و هي منهاره

و قت بسيط عدي و صل البنات ازواج اخوات عشري و فضل كان معاهم رهف و قابلتهم رحاب لما عرفت من رضوي الخبر

طبعا الشباب لما عرفوا و بلغوهم مقدروش يستنوهم و سابوهم و سبقوا هما دخلوا بسرعه اطمنوا علي ليله و نعيمه و بعدين وقفوا يواسوا نعيمه كانت منهاره و حالتها تصعب علي اي حد نسيت زعلها من فضل و نسيت انها شكت تاني في رحاب و نسيت المكالمه والخلاف اصلا مكانش في حاجه في دماغها غير اهلها و انها تطمن عليهم وبس البنات كانوا عمالين يواسوا فيها و يهدوها حتي رحاب عياطها كان مقطع قلبهم كلهم مدمعين عشانها و الحزن باين عليهم بجد