لقاء كارثي
لقاء كارثي
سلمي…نعيمه بلاش عشان خاطري خلي صورتهم في عينك احسن من كده مش هتقدري والله
نعيمه….عايزه اشوفهم
فضل…..بحزن طيب بصي هتبقي هاديه عشان محدش فيهم يتعذب لو مش هتقدري بلاش عشان خاطري
نعيمه….عايزه اشوفهم يا فضل خلوني اشوفهم لتخر مره والنبي
فضل…طيب تمام بس اهدي
قربت بهدوء و هي مرعوبه و بتترعش وقفت جنب اول واحد كان في عادل بقت بصاله وهي عينها متسعه و دموعها مغرقه وشها و خايفه تشيل من عليه الغطاء
بصتلها ليله بهدوء و هي حزينه
مدت نعيمه كفها بهدوء سحبت الغطاء ظهر وش عادل كان ابيض شاحب كدمات والوان وفيه جروح في راسه و خده
سلمي….بدموع لا اله الا الله لا اله الا الله
غمض فضل عينه وحط ايده علي راسه
و برقت نعيمه من صدمتها مسكتها ليله بسرعه من ضهرها مالت نعيمه عليي صدره وبقت حضناه ومنهاره
ايمي بقت منهاره هي كمان وقربت منها سلمي تمسكها
نعيمه…..بانهيار ليييييه ليه يابابا عملت فيا كده ليه يا حبيبي طيب كنت استني شويه هونت عليك تسيبني وتوجعني كده هانت عليك نعيمه طيب كنت استني شويه و قويني علي فراق امي وجعتني انت كمان ليه كسرت ضهري ليه يا حبيبي سيبتني تايهه ليه كده
دموعهم كلهم كانت نازله فضل و ليله مسكاها من وسطها و دموعها نازله
نعيمه….طيب ارجعلي اتكلم معايا شويه ارجعلي قولي انك هتمشي واحضني ارجع خليك معايا دقيقه بس و بعدين امشي سلم عليا وقولي اي حاجه حسيت بايه يا حبيبي اتوجعت قد ايه ؟
طيب انت عارف ان الوجع اللي اتوجعته اهون كتير من وجعي عليكم مكانش ده اتفقنا طيب كنت استني شويه نسافر مع بعض لاخر مره يا حبيبي يا وجع قلبي عليك يا بابا والله العظيم انت كسرتني اوي
اااااه ااااااااه
فضل….نعيمه كفايه يا حبيبتي
ليله….متتعبيهوش يا نعيمه والنبي كفايه بقي
نعيمه….ابويا يا ليله ابوووووووويا اااااه
ليله….بوجه و انهيار طيب خلاص والنبي و حياتي عندك خلاص خليه يرتاح متتعبيهوش
نعيمه…هو ارتاح هلاص بس سابني انا عايشه بوجعه كنت خدتني معاك احنا اتفقنا نسافر سوا كنت خلتني معاكم يا حبيبي
فضل….قرب قومي قومي خلاص سيبيه
نعيمه….والنبي يا فضل خليني معاه شويه مستخسر فيا اخر حبه ده شويه وهيتاخد مني خالص
فضل…بدموع وتاثر يا نعيمه حرام متعذبيهوش يلا تعالي يا قلبي شوفي نوجا وخلينا نخرج من هنا
