لقاء كارثي

نعيمه….بجد يا ليله

ليله…بتماسك رهيب بجد يا روحي هما بخير

نعيمه….طيب هما ليه من وقت ما جينا محدش بيقول حاجهولا بيطمنا

ليله….عشان يا نوني هما كتير دول خمسه و اكيد الدكاتره و الممرضين مشغولين معاهم و كلهم بيساعدوا بعض و مينفعش يخرجوا يتكلموا معانا و يرغوا ويسيبوهم احنا كل اللي عايزينه انهم يهتموا بيهم و يبقوا بخير مش مهم نقعد شويه علي اعصابنا بس المهم انهم لما يخرجوا يطمنونا عليهم يكونوا خدوا بالهم منهم الاول صح ولا يخرجوا يرغوا ويسيبوهم محتاجين مساعدتهم

نعيمه… بابتسامه زهي دموعها نازله لا لا عادي خليهم معاهم احسن

ليله….صح كده احنا نقعد ندعي و نهدا و ان شاء الله هما هيبقوا كويسين

نعيمه….ااا ايوه ايوه هيبقوا كويسن اصلا الحادثه كانت صعبه انتي شوفتي طاروا ازاي صح ؟

هزت ليله راسها بهدوء.

نعيمه….شوفتي وقعوا ازاي و شوفتي العربيه حصل فيها ايه؟

ليله….بوجع شوفت با عمري شوفت

نعيمه….يعني لو كان فيهم حاجه او حد.جرالوا حاجه بعد الحادثه الصعبه دي كنا من اول ما وصلنا عرفنا صح

ليله….صح

نعيمه…..بس هما خرجوا خدوا دم يعني هما كويسين بس محتاجين يعملوا عمليه او يسعفوهم بس لكن مش هيموتوا يا ليله صح

كل البنات سواء صحابهم او الموجودين كانوا منهارين بصمت علي كلامها حتي فضل كان ساند علي الحيطه و عينه عليها و دمعه منه نزلت جري سليم كمان كانت دموعه ماليه عينه الشباب كلهم متأثرين..

ليله…..بوجع مشت ايدها علي شعرها صح يا قلبي محدش هيموت ان شاء الله ربنا مش هيوجعنا فيهم متخافيش هيخفوا و هيبقوا كويسين و هنخرج و هترجهوا تاني تكملوا عمرتكم و تتبسطوا

نعيمه…..بابتسامه وهي دموعها نازله صح صح هنروح تاني و هنكمل العمره بس المرادي انا هاخدك معايا ماشي انتي خدتي خضه محتاجه ترتاحي بعدها صح

هزت ليله راسها وهي مبتسمه بس كان في حاجه في حلقها تعبانها نفسها تعيط و مش قادره كانت مستنيه بس يخرجوا بالسلامه وتنهار براحتها وتخرج الوجع اللي مكتوم جواها

نعيمه…..بابتسامه انتي اتخضيتي جامد من اول ما العربيه خبطتنا احنا و شوفتك اتخضيتي لما العربيه وقعت و مكنتيش بتتكلمي خوفتي صح خوفتي عليهم مش كده

ليله….بوجع طبعاً دول اهلي انا كمان

نعيمه….بضحكه جميله و دموع هما بيحبوكي اصلا اوي كلهم بس متخافيش هيبقوا كويس