لقاء كارثي

ايه كانت واقفه تعيط ومنهاره سلامه مش عايز ياخدها هي لسه تعبانه و مش قادره

سلامه….هطمن واطمنك احنا لسه منعرفش حاجه جايز يكون الحادثه متخصهمش

ايه….بدموع وغلاوه امك يا سلامه انا كويسه والله ما هقدر ولو نزلت من غيري هنزل من وراك والنبي قولوا حاجه يا ميدو

نادين كانت واقفه تعيط و بصالهم كانها بتحلم…

مسكها ميدو من ايدها بسرعه كان متوتر ومتعصب و مفيش وقته يضيعوه سحبها هي ونادين

عسال….يلا يلا يا سلامه مش وقته ومش هينفع تقعد لوحدها

بصلها سلامه بقلة حيله خايف عليها و عرف انها لو قعدت مش هتقدر فا مشي و خدها

نسيت نادين ان امها وابوها واخواتها جايين يزوروهم اخر النهار و عقلها راح منها خالص و نزلت من غير ما تعتذر او حتي تقولهم …

وصل رشيد بسرعه وفرمل العربيه و نزل دخل جري علي البيت فتح

چوي كانت مع ايمي في الاوضه بالبسها مش قادره تقف علي رجلها الخضه اللي خدتها خلتها حاسه انها هتتشل حرفياً اول ما لمحت رشيد كانه طوق نجاه

ايمي….قولي كويسين قول محصلش حاجه

رشيد….قرب منها و مسك الهدوم من چوي يلبسها هو بسرعه و الله ما اعرف و غلاوتك عندي ما نعرف حاجه لسه عشري الشباب بيحاولوا يوصلوا لمكانهم

ايمي….بدنوع وانهيار يعني هما الي عملوا الحادثه

رشيد…..بعصبيه و غضب معررررررشف معرفش و الله ماعرف بس خير والله خير يلا بس لازم نتحرك سلمي و حسان لسه طالعين يلا

ايمي….بدموع مش قادره اقف يا رشيد مش قادره

رشيد….ايمي طيب خليكي والني يخليكي والله ما قادر اتلم علي اعصابي و مش عايز حاجه تجرالك خليكي و هطمنك

ايمي…مش هقدر و الله ما هقدر هقوم هقوم

رشيد….چوي يلا بسرعه

خرجوا كلهم بسرعه كان ماسك أيدها و خايف عليها و هيتجنن هو كمان مرعوب من الفكره

ركبوا بسرعه و طار رشيد بالعربيه..

……………

سليم مكانش حالته تختلف عن حالتهم بس كان في دنيا تانيه هو كمان و عمال يعدي قدام عينه شريط طويل بينه وبين نسمه

كلامها معاه في فرح نادين و عسال كانها بتودعه جملتها وهي بتقوله عيزاك ديما مبسوط حتي لو انا مش موجوده..

جملتها وهي بتقوله عملت المصاحف صدقه جاريه جمل في وقتها جايز كانت بسيطه بس بعد اللي حصل كانت رعب كان عمال هو كمان يهز راسه رافض رفض تام ان دي تبقي النهايه هما لسه مبتدوش اصلا..