لقاء كـ،ـ،ـ،ـارثي

رحاب…..رضوي انتي خايفه علي شكلك او خايفه اني اعملك مشاكل

رضوي….انا خايفه علي شكلي انا وانتي مش شكلي انا بس خايفه اختي تتشاف بطريقه مش كويسه خايفه حد يقولي شوفي اختك بتعمل ايه خايفه اسمع في يوم كلمه من عبدالله او نجود بيقلولي ابعدي اختك عن ابننا وقتها هتحصل مشاكل بجد واكيد خايفه من المشاكل خايفه علي بيتي و جوزي و حياتي خايفه حد يسمعني كلمه ملهاش لازمه عنك وقتها مش هتحمل

رضوي….اطمني يا رضوي شكلي و شكلك دي اكتر حاجه هحافظ عليها لاني مش هعمل حاجه غلط و لازم تتأكدي اني عمري ما هكون سبب لاي مشكله ليكي و لببتك و لا عمري هسمح انك تتعايري بيا انا علاقي بفضل هتمشي في الاطار العادي بتاع اي علاقه

رضوي….طيب ممكن افهم انتي ناويه علي ايه

رحاب….و لا اي حاجه قولتلك هخلي العلاقه تمشي في اطار طبيعي هقرب منه هكون موجوده لو حب يتكلم هكون موجوده لو حس انه محتاج حد جنبه هساعده في اي حاجه تخص شغلوا لو طلب المساعده من الاخر هكون مسكن فتره و بعد الفتره دي انا واثقه اني هكون الدواء و اطمني انا لا هجيب سيرة نعيمه و لا هحاول اوحش صورتها قدامه ولا هستغل اي موقف في صالحي الا لو بكان بطريقه تليق بيا هخليه خو نفسه يرد علي اي حد لو اي حد فكر يقولوا رحاب السبب

هخليه هو اللي يدافع عني و يقول اني عمري ما جيبت سيرتها او طلعتها وحشه او استغليت الموقف اطمني يا رضوي انا مش هعمل غير الصح شاب عجبني و حبيت علاقتي بيه تكون بشكل طبيعي و افتكري ديماً انه خلاص مبقاش في حد في حياته يعني لو حد فكر يتكلم تردي بثقه ان اختك مش بتعمل اي حاجه غلط و بالمناسبه لو وجودي مضايقك انا حالا ممكن امشي عشان تبقي متطمنه خالص ان اي محاوله مني هتكون بعيده عنك تماما

رضوي….لا طبعا انا مقولتش كده و اكيد وجودك مش مضايقني انا بس خايفه و بصراحه مضايقه حاسه ان العلاقه اللي بين فضل و نعيمه لسه تستحق فرصه تانيه قبل ما تدخلي انتي علي الخط البنت كانت بتحبه بجد يا رحاب حرام نشيل ذنبها

رحاب….اطمني يا رضوي احنا مش هنشيل ذنب حد هي اللي انفصلت و هي اللي قلعت دبلتها و هي اللي قالت كل شئ قسمه و نصيب و انا جيت اداوب الجرح اللي هي سببته لفضل ماشي يا رضوي

رضوي…تمام با رحاب انا عموما قولت اللي عندي و نصحتك