لقاء كـ،ـ،ـ،ـارثي
ليله….بابتسامه شوفتي بقي يا جوجو ظلمتيني ازاي
نجود….لا برضوا زعلانن يا ستي اعتبريني زي نادين او زوزو انا ديما لوحدي وبعدين انا بحب الناس يا ليله و قعدتي حلوه والله
ليله….والله عارفه يا جوجو و انتي عارفه اني بحبك بس بخاف تكوني مشغوله او قاعده مع الجو بتاعك
نجود….بضحك جو ايه و بتاع ايه هو بيقعد اصلا انا بشوفوا صدفه علي طول في شغله مع عشري اخويا انا يا اما لوحدي او البنات قاعدين معايا او عند امينه
ليله….خلاص يا ستي هبقي اجيلك ولا تزعلي
نجود….بابتسامه طب تشريوا ايه
عشري….انا قهوه
نجود….وانت مالك انت انا بسأل البنات
عشري…..خلاص اتحطيت علي الرف يا نجود
ايمي….بضحك شكلك وحش اوي
نجود….بضحك لا والله ده حبيبي
ليله…..انا قهوه زي عشري يا جوجو
ايمي…..وانا كمان
نجود…..لا انتي بلاش قهوه عشان الحمل
ايمي…..مبشربش كتير والله و مشربتش انهارده
نجود…..طيب ماشي رضوي معلش قولي لكريمه تعمل قهوه و تظبط الدنيا
رضوي….بابتسامه طيب قهوتك ايه
ايمي….انا ساده زي ليله و عشري معلش هتعبك معايا
رضوي….لا خالص والله تعبكم راحه فضل تشرب معاهم
فضل….ياريت يا رضوي بس انا مظبوط
نجود….وانتي يا رحاب شوفي اختك تشرب ايه
رضوي…..تشربي قهوه يا رحاب
رحاب….تمام مظبوط زي فضل
رضوي….طيب تمام
ليله….امال فين البنات مش بيفطروا معاكي ليه؟
نجود….خديچه و شاهنده عند اهلهم و نرمين بتفطر بره عشان هيجيبوا لبس للولاد مفيش غير رضوي و رحاب اللي فطروا معايا انهارده
ليله….كويس عشان متفطريش لوحدك
ايمي…… بابتسامه و رفعة حاجب اخبارك ايه يا فضل
فضل…..بابتسامه ااا تمام يا ايمي الحمد لله
ابتسم عشري بهدوء و بص لليله
ايمي…..يارب ديماً عامل ايه في الشغل
فضل….بضحكه جميله كله تمام انتي كويسه؟
ايمي….انا زي الفل
فضل….الحمد لله
نجود…..عامله ايه مع الحمل يا ايمي
ايمي…..الحمد لله والله ماشيه اهو
نجود….بس الله اكبر الله اكبر بطنك بانت شويه صغيره اوي
ايمي….بضحك وانتي مستعجله علي ايه سيبيها هبقي شبه الكوره
نجود…. بضحك والله هتبقي قمر عقبالك يا لولي يارب
ليله…..حبيبتي يا جوجو
ايمي…..اللهم امين و عقبال كده ما نفرح بفضل و نوني
نجود…..بابتسامه يارب يسمع منك ربنا و يهدي سرهم
