لقاء كـ،ـ،ـ،ـارثي
ليله…ايمي نعيمه مش كويسه انتي لسه قايله نديها عذرها
ايمي ….اه بس عليها جزء كبير من الغلط يا ريتها سافرت من غير ما تقولوا و فضلت متمسكه بيه او سابته وفضلت قاعده لاكن دي قطعت مايه ونووووور
ليله….معلش برضوا احنا مش عارفين كانت حاسه بايه لما خدت القرار ده و جايز زي ما بتقولي فضل كان بارد معاها او تقيل في مشاعره محدش عارف
ايمي….انا عموما قولت اللي عندي صحيح انا قولتلوا مش هخليها تعرفك تاني بس كنت بحرق دمه اديني كلمتها و الباقي بتاعها هي بقي انا خلصت ضميري من ناحيتهم هما الاتنين وميدو معاه حق علي فكره نعيمه لازم تحس اننا شيلنا ايدنا من الموضوع خالص و نشوف هتتصرف ولا هتفضل عند قراراها لو فضلت تبقي خلصت مفضلتش تنزل هنا و تصلح اللي حصل
ليله….طيب والنبي ممكن تبطلي عصبيه شويه خلاص اهدي بقي
خدت ايمي نفس طويل و سكتت خالص.
……………..
عشري….مبسوط
فضل….هو في ايه يا عشري انت كمان
نجود….هو حصل ايه انا مش فاهمه
فضل….اللي حصل ان الكل جاي عليا وشايفني غلطان
عشري….بغضب محدش شايفك غلطان
فضل….لا يا عشري شايفني غلطان وانا اللي لازم احاول و لازم اصلح غلط انا معملتوش
نجود…يا ابني انت الراجل
فضل…..كويس انك عارفه اني الراجل الراجل اللي اتهان و اتساب قدام الكل بطريقه زباله و مطلوب مني عشان راااااجل اروح اتحايل و اقول لنعينه والنبي ما تسيبيني
نجود…يا ابني محدش قال كده بس علي الاقل افهم السبب اعرف مالها
عشري…..يا فضل انك تحاول تفهم ميقللش منك يا قصل قدام عينك انا جالي مكالمه من محمود اخويا و عدي قالولي ان ليله جات سابت دهبها و مشيت و مع كل ده قلبت عليها الدنيا بقيت اللف وراها زي المجنون
فضل….عشان انت اللي غلطتتتتت مش هي عشان حقها عليك بعد ما تتصدم فيك تروح تصلح و رغم انك كنت غلطان قدام الكل كلنا وقفنا معاك محدش فينا جه عليك يا اخويا و اولهم انا
عشري….وليله مغلطتش فيا يا فضل هااا مقالتليش قدامك و قدام الشباب والبنات الكل انت مش راجل مسمعتنيش اوسخ كلام يقل من كرامه اي راجل و حتي لو غلطان مش هيتحملها محبستنيش يوم و اتبلت عليا موقفتش يوم فرح امنيه اخت ايمي بالمنظر ده و هي وقتها كانت علي ذمتي و مع كل ده سيبتها
ولما خدتها عملت فيا اضعاف اللي عملتوا قدامكم و حبستها لاني كنت عارف ان هي لو مشيت مش هترجع حبستها وانا بموت عشان خوفت لو خرجت مترجعش
