لقاء كـ،ـ،ـ،ـارثي
عسال….يعني ايه خرجت مره واحده كانوا بيعملوا ايه مش فاهم يعني
ليله…يا ابني لا دماغك متروحش لبعيد كانت بتتفرج عادي علي المكان وهو كان بره اصلا انا دخلت سلمت و وقفت معاه ثواني هي خرجت مكانش في حاجه يعني طبعا انا معرفتش اتكلم ولا اقولوا جايه ليه و بصراحه اتصدمت لانهم خارجين مع بعض اخر مره حصلت بيني وبينها تاتش كان اول يوم رمضان من وقتها مشوفتهاش و لما شوفتها معاه بصراحه اضايقت سلمت ومشيت وهو جه ورايا كان متوتر اصلا عامل زي الراجل لما مراته تقفشه فضل يقولي متفهميش غلط طبعا هو حر يا ميدو يعمل اللي هو عايزه بس فضل لازم يركز لان وجعه من نعيمه لو كبر جواه هيلاقي نفسه بياخد قرارات غلط و رحاب مش سهله من اول مره اتكلمت عن نعيمه و خدت صف فضل و انا حاسه باعجاب من ناحيتها ليه و للاسف هي جات في وقت فضل مش مركز طبعا من كلام فضل و هو بيبررلي ان مفيش حاجه و كان حابب يبررلي الخروجه الي هيخرجوها انا قولتلوا انت حر بس اتكلمنا و قفل خالص حوار نعيمه
يمكن انا متعصبه من كذا حاجه متعصبه منه و من نعيمه و من نفسي اني حاولت اكتر من مره ابررله موقف نعيمه كاني بتحايل عليه يديها فرصه ودي تقياه عليا اوي لان نعيمه مش ناقصها حاجه و تستاهل احسن حد في الدنيا فضل كمان يستاهل كل خير بس هي صاحبتي يا ميدو انا اه بقول الحق و مش واخده والله صف نعيمه وهي غلطانه بس الطبيعي اني اضايق واغير عليها و فضل يمكن معاه حق بس كمان مش كده يعني مفيش حد بيقفل مره واحده من شخص الا لو كان ليه مواقف كتير تعمل ده و بيتهيألي ده اول موقف كبير بينهم يعني لازم يكون في فرص كلام عتاب محاولات فاهمني لكن هو معملش كده و الاهم انه سايب نفسه و شكله هيتسحل مع رحاب.
عسال…..بصي يا ليله انتي صح في كل كلامك بس في حاجه لازم تعرفيها فضل بيحب نعيمه و مستحيل يقرب من غيرها و بالسرعه دي صدقيني دي مش شخصيه فضل
ليله….تمام مقولتش حاجه بس اي بني ادم فينا ضعيف يا ميدو وقت غضبه و قت وجعه من شخص غالي عنده لو حد تاني قرب منه بيمشي وراه يا اما بقي بيحاول يطلع من اللي فيه او يحب يضايق الشخص التاني و يوريه انه مش فارق معاه بس حتي لو كده هو بيغلط وبيعقد بينهم الموضوع اكتر لان لو نعيمه واثقه انها غلطانه مليون في الميه و عرفت حوار رحاب وانه سامحلها تقتحم حياته هتنسي غلطها ده خالص و تقفش في رد فعله هو وحقها بصراحه يعني انا لو مكانها و غلطت في عشري ياسيدي يردهالي بأي طريقه الا انه يبينلي اني مش فارقه معاه ويعرف عليا حد تاني او يغيظني بحد
