لقاء كـ،ـ،ـ،ـارثي
عسال…..معاكي حق بس والله فضل مش كده يمكن انتي عشان حساسه من الموضوع و و فاهمه دماغ رحاب فا انتي مضايقه بس فضل مش عيل صغير عشان يقع وقعه زي دي
ليله…..مش حكايه عيل يا ميدو فضل اضايق و اتجرح و حقه بس للاسف هو مش مركز ان رحاب مركزه معاه و بتقرب منه في وقت مش حلو و بعدين هو يعرف رحاب من امته من كذا سنه صح لين ولا مره قرب منها او سمحلها انه يخرج معاهو مش كان بيتعامل علي انها اخت مرات اخوه يعني من العيله و الدنيا عادي ليه الوقت بالذات عشان هو مش مركز و للاسف لو فضل كده هيتسحل مع رحاب هي مش سهله
نادين…..هو احنا نخلص من مريم تطلع رحاب كلميها يا ليله وخليها تبعد عنه
عسال….استني بس بطلي جنلن تكلم مين و تقولها ايه افرضي مفيش حاجه
ليله….مينفعش يا نودي اروح اقولها ابعدي عن فضل عشان صاحبتي اولا البنت معملتش اي تصرف يتاخد عليها ثانيا مش من حقي اتدخل في اي تصرف انا لما وقفتها عند حدها كان عشان جابت سيرة نعيمه وهو ده اللي يخصني لكن اني اكلمها في حاجه بينها وبين فضل مش بتاعتي
نادين…يعني ايه مش بتاعتك ماهي داخله تقرب من خطيب صاحبتك لا حقك
ليله…ماهو مبقاش يا نادين يعني فعليا هو مش خطيب نعيمه ونعيمه الحيواااانه اللي ادتها فرصه تقرب منه و سابت المكان فاضي ولو هي حقيقي معجبه بيه هي بتقرب منه وهو فاضي مفيش حد في خياته بالنسبه ليها فرصه
نادين….هو ايه اللي فرصه انتي مأيداها يعني
ليله…اكيد لا بس اي حد في الدنيا لو معجب بشخص اكيد هيستغل اي موقف في صالحه كان ممكن اعمل كده لو نعيمه في حياته او لو زعلانبن بس وهما مع بعض زي ما حصل كده من مريم هي طول الوقت كانت بتحاول تخرب علاقتي بعشري بس واحنا مع بعض انما رحاب الموضوع بالنسبه ليها صحي اكتر فضل ساب نعيمه و انفصلوا و هي قربت عشان كده بقول انها مش سهله استغلت الوضع الحالي و مقدرش اهاجمها او اغلطها لانها معملتش ده و هو في حياته نعيمه
عسال….ليله بتتكلم صح يا نادين هي حتي لو مركزه معاه ومعجبه بيه قربت في وقت هما مش مع بعض بس اللي انا واثق منه ان فضل بيتعامل عادي جايز مش مركز زي ما بتقولي بس عادي نفوقه ونخليه يركز هتكلم معاه
ليله….لا يا ميدو بلاش مش عيزاه يعرف اصلا اني اتكلمت معاه انا وعدته اني مش هفتح الموضوع تاني و يعمل اللي يريحه اصلا هو قالي بكل صراحه انه سمع نعيمه الي فيه النصيب و نهي معاها الموضوع
و احساسي كان صح مكالمتهم مكانتش عاديه ولا هو سأل عنها زي ما نعيمه قالت صوتها اصلا كان باين انا مش هتكلم في الحوار ده تاني هو معاه حق في جزء و نعيمه للاسف مش مريحاني عشان اقدر اقف قدام اي حد معنديش سبب لتصرفها مش قادره ادافع بقلب يا ميدو و حل الموضوع ده لو فارق معاهم هما الاتنين يبقي في ايد نعيمه
