لقاء كـ،ـ،ـ،ـارثي
بصلها فضل بارتباك بسيط و ابتسم
رحاب….بضحك علي فكره لو مش حابب انا مش هزعل كده كده مش بحتفل اصلا و متقلقش مفيش دين بيننا
فضل…..بابتسامه لا يا ستي معنديش مشكله هاجي طبعاً و خجيبلك هديه كمان
رحاب….بضحك والله انا هديتي انك تحتفل معايا اصلا تعالي انت بس كده بطولك و مش عايزه هدايا
فضل…..و انتي ليه مش بتحتفلي بيه بقي مع رضوي او صحابك ولا معندكيش صحاب
رحاب…..رضوي ربنا يعينها علي ولادها و بيتها و اكيد لما بتصادف و وابقي معاها اليوم ده بتصمم تحتفل بس انا مليش في اعياد الميلاد و التورته والشموع يعني عادي احتفلت اوك محتلفتش برضوا اوك
واكيد ليا صحاب كتير بس اللي اتجوز واللي مسافر و اللي ظروفوا بتمنعوا هو انا عندي صحاب كتير بس مش انتيم او بيست فريند عادي صحاب عاديه
فضل….معندكيش حد مقرب يعني
رحاب….بص انا عندي صحاب كتير اوي بنخرج بنضحك بنتجنن بنسافر بس صحاب بمعني نعرف كل حاجه عن بعض و زي الاخوات و كده بصراحه لا معنديش للاسف
فضل….مش بتحبي
رحاب….لا بالعكس بس صحابي اللي حواليا موصلتش معاهم انهم يكونوا صحاب جامدين اوي فاهمني هو عموما الصحاب رزق و انا راضيه برزقي فيهم حتي لو مكانش قوي
و بصراحه انا بقدر كمان ظروفهم خصوصا اللي اتجوزوا يعني الدنيا بتسحل اصلا السنجل مبالك باللي عنده بيت وحياه فا مش بزعل لو مش معايا في احتفال بعيد ميلاد او خروجه عادي يعني
فضل…..فهمتك طيب وانتي مرتاحه في السنجل بقي ولا عايزه تحصليهم
رحاب…. بضحك ماهو ده كمان رزق و لسه ربنا مرزقنيش بيه
فضل…..اه بس انتي مش مانعه ده يعني بمزاجك
رحاب….لا خالص بالعكس بس اكيد مش هوافق علي اي حد يتقدملي كده وخلاص علي الاقل اكون بحبه معجبه بيه في بينا كيميا كده يعني
فضل…..انتي كنتي مخطوبه صح
رحاب….بابتسامة اه بس محصلش نصيب
فضل….ومين فيكم اللي ساب بقي
رحاب…..اممم انا بس مش هسميها ساب لانها كلمه تقيله اوي علي اي راجل هو ليه كل احترام طبعا بس هو طلب مني اسيب الشغل خالص و انا بصراحه محبتش اعمل كده و انفصلنا بهدوء و اتكلمت معاه
سرح فضل في جملتها و بان عليه انه حزين
رحاب…..هو انا ضايقتك بكلامي يا فضل؟
فضل….لا خالص بالعكس شكلك كنتي بتحبيه يعني مش حابه تطلعيه اتساب و كده
رحاب….لا خالص يعني مكانش لدرجه حب هو كان حد محترم و ليه كل الاحترام و مشوفتش منه اي حاجه وحشه كل مشكلتي معاه بس انه مكانس عايزيني اشتغل خالص و طبعا وقتها كنت ناجحه في شغلي و محبتش اجازف بصراحه بس فكره اني اقول انا سيبته او انا اللي بوظت الموضوع كبيره شويه و هو ميستاهلش مني كده احنا بس انفصلنا بهدوء و علي فكره احنا لحد الوقت بنتكلم و علاقتنا كويسه بس بقينا صحاب و زمايل شغل مش اكتر لانه بيشتغل معايا
