لقاء كـ،ـ،ـ،ـارثي

بصلوا عشري بصدمه و بصت نجود بسرعه لعشري و رفعت ايدها

نجود……انت اكيد اتجنننننت مسك عشري ايدها بسرعه و بصلها فضل بصدمه

عشري…..اووووووووعي اوعي يا نجود تعمليها عشان انا اول واحد هخسرك فيها خرجي روحك براااانا فضل اخوي بصلوا بحزن فظيع وابلعلوا الظلط صح يا فضل انت صح انا عملت كده بس عملت كده انت عارف ليه و كنت معترف بغلطي و رصيت بكل حاجه و مفكرتش لا في كرامه ولا رجوله و لا منظري قدامكم وقدام اهلي وقدام الكل فكرت في حاجه واحده بس ان ربنا بعتلي في يوم مطر و سيول رزقي خبط علي بابي و من اللحظه اتعهدت قدام نفسي و ربنا اني هتمسك برزقي و هفضل احمد ربنا عليه لحد ما اموت قبل باي حاجه ميقبلهاش راجل عشان كنت عارف ليله لو راحت لو عيشت عمري كله مش هلاقي زيها و رجعتها لحضني

كدبت عشان مخسرهاش و كنت مستعد اقبل منها اللي ميتقبلش غلطها في حقي زاد و بقي اكبر من غلطي في حقها و رضيت بس انت معملتش كده انت عرفت انها سافرت و سابت دهبك و سابتك خدت بعضك و مشيت مسالتش فيها ايه و ليه عملت كده حتي من باب الفضول

بس قولنا معلش مصدوم بس بقولهالك كان معاهم حق كان لازم تحاول و اطمن يا اخوي حتي انا من اللحظه دي و شرفي ما عدت فاتح معك الموضوع من تاني الله يسهل عليك حياتك و يفرحك مع اللي يختاره قلبك.

بصلوا و بعدين سابوا و مشي

نجود….بحزن يا خساره يا فضل يا خساره

سابتوا هي كمان و مشيت من قدامه قعد فضل بحزن كبير و حس انه جرح عشري اوي

…………………

خرجت رحاب من الاوضه بعد ما خدت شاور و لبست و عملت ميك اب رضوي كانت قاعده بره مستنياها

رحاب…..يلا يا رودي انا ماشيه

رضوي….استني يا رحاب عيزاكي

رحاب….خير

رضوي….هو ايه اللي بيحصل

رحاب…. باستغراب ابتسمت ايه اللي بيحصل مش فاهمه

رضوي…..هو اللي كان بيحصل تحت ده عادي يعني ليه حاسه ان كلام ليله و ايمي و نجود انتي اللي مقصوده بيه ليه حاسه من كلامك اصلا انك فاهمه انه عليكي رحاب انتي في حاجه بينك و بين فضل اوعي يا رحاب تكوني انتي سبب اللي حصل بينه و بين نعيمه

رحاب….انتي عبيطه يا رضوي ايه اللي بتقوليه ده و انا مالي اصلا بيهم انا اخر مره شوفت فيها فضل و نعيمه مع بعض كان يوم فرح ليله و بعد كده مشوفتش حد فيهم و عرفت انهم سابوا بعض بعدها