لقاء كـ،ـ،ـ،ـارثي
فضل….ده الموضوع طلع أعمق بكتير من اللي تخيلتوا
رحاب….وكل ما تدخل جوه الناس و الشباب دي اكتر هتفهم و هتعرف و خد بالك انا بشوف ان اي حد جديد بيبدا مشروعه زيك او زي غيرك هما اكتر ناس محظوظه يعني واحد زي الديزل ده و زي هارون اللي عرفتك عليه و زي مؤمن الناس دي بدأت في الاول خالص و يمكن هما اللي جازفوا بالتجربه و نشروا الفكره وقعوا كتير و كان ليهم سقطات بوظوا كتير و اتعلموا اكتر و بقوا ينقلوا تجربتهم كامله للناس زي ما بتشوف في الڤديوهات بتاعتهم فا بالتالي بكل حب اللي جه بعدهم و قرر يظهر موهبته زيهم بقي يتفادي الغلطان بتاعتهم اللي وقعوا فيها بمعني انكم محظوظين اكتر عارف لما تاخد عصارة خبرة اللي قبلك بتفرق معاك كتير عشان متقعش في نفس الغلطات متاخدش نفس الوت اللي هما خدوا كمان الاماكن اللي عرفوك عليها هما تعبوا اوي و جربوا الف مكان عشان يوصلوا للاماكن دي
فضل….بابتسامه هو انتي ازاي شاطره كده ازاي عارفه كل المعلومات دي و مهتمه اوي كده
رحاب….بابتسامه يمكن عشان مهتمه بنفس الهوايه اللي انت مهتم بيها
فضل…..بس ميبانش عليكي يمكن انا اعرفك من كذا سنه و عمري ما تخيلت ان دراستك تكون بالنسبالك شغف و حب بالشكل ده حاسي اني مستغربك و كأني اول مره اعرفك
رحاب…. بابتسامه يمكن عشان انت عمرك ما اتكلمت عن المشروع ده او انك حابب بجد تنفذه و انا كمان بيتيهيالي دي اول مره اتكلم معاك عن هوايتي
فضل…..فعلاً بس بجد طلعتي شاطره اوي و بجد يا رحاب انا بشكرك من قلبي الايڤنت ده فرق معايا كتي جدا وزي ما بتقولي وفر عليا وقت و مجهود و غلطات كتير كان ممكن اقع فيها بجد شكراً و اعتبري اني مديون ليكي كمان
رحاب…. بابتسامه متقولش كده يا فضل احنا مفيش بينا شكر و لا انت مديون ليا بأي حاجه
فضل….لا بجد مديون لاني لما وافقت اجي معاكي كنت فاكر بس اني هتفرج علي عربيات و افكار مكنتس متوقع اني هتعرف علي ناس و اعرف كل العالم ده
رحاب…. بابتسامه والله لو عايز تعتبره دين تبقي جيبته لنفسك بس هتقدر ترده
فضل….جربي و تستاهليه بصراحه
رحاب…امممم طيب يبقي تحتفا معايا رابع يوم العيد بعيد ميلادي كملت بضحكه هاديه و متقلقش مش بدبسك في هديه بس انا بقضي اليوم ده لوحدي و غالباً مش بحتفل اصلاً اكيد هبقي مبسوطه لو جيت واحتفلنا سوا
