لقاء كـ،ـ،ـ،ـارثي
عشري…ماهو يا غبي لو انت مزعلتهاش يبقي في سبب و عشان تعرف السبب ده لازم تنسي حوار كرامتك لحد ما تعرفوا انما انت بعدت من غير ما تعرف
فضل…..عشان زي ما هو مفيش مشطله بيني وبينها مفيش سبب يا عشري ليه مش عايزين تقتنعوا ان نعيمه اللي عايزه كده ليه مش عايزين تفهموا ان كلامها كله معايا كان واضح قالتها يا عشري قالتها قالتلي مش عارفه انا بحبك ولا لا مش عارفه عايزه اكمل ولا لا افهما ازاي يا بني ادم زعلانين اوي اني متمسك بكرامتي اكتر من تمسكي بيها ما ده طبيعي لما لياه تيجي تقولك او تحسسك انها ساكه في حبها ليك رجولتك هيحصل فيها ايه يا عشري كرامتك يا اخويا هتهون عليك رد
بصلوا عشري و سكت
فضل…..اهو انا عملت زيك كده سكت معملتش حاجه غير اني سكت انا فاهم كويس شعور ليله وايمي والبنات و حقهم يغيروا علي نعيمه بس لازم يفهموا ان نعيمه اللي قررت و نفذت و بعدت مش انا و لو علي رحاب هي معاها حق يا عشري اللي بيحب بجد بيعمل اي حاجه الا انه يشوف حياته احسن بعيد عن اللي بيحبه ورغم ان هي صح انا اتخرست عمال اضحك واهزر معاك وساكت و معلقتش احتراما ليهم عشان لو أيدت راي رحاب هتشاف غلط و هحرجهم وانا بنصر راي رحاب علي رايهم و انا مش عايز كده قولتلكم اقفلوا الموضوع خالص بس انتوا اللي بتحاولوا في حاجه مش في ايدي اصلا
رحاب….بابتسامه يعني من رأيي مفيش مشكله توصل لقرار زي ده الا لو مكانش في حب اصلا
ايمي……ماهو في مشاكل و خلافات بين الاطراف مبيبقاش حد عارف عنها اي حاجه في اسرار في العلاقه محدش من اللي بره يعرفها عشان يحكم عليها ليه وصلت لكده ؟ وايه اسبابها و بيتيهألي في الوقت ده ان اي طرف بره العلاقه ميحاولش يتدخل خالص او كفايه انه يتدخل بالخير اي سؤال عن السبب جايز يكبر المشكله في عقل الطرف تاني
لكن لو حطينا مبررات لاي سبب خصوصا قدام الطرف اللي واخد علي خاطره بيحاول انه يهدأ و يقول فعلا ما جايز حصل واحد اتنين تلاته مش يسخن وياخد موقف اكبر
رحاب…. بابتسامه في كل الاحوال زي ما قولتي الطرفين ديما هما اللي بيبقوا فاهمين الموقف اكتر من اللي بره يعني في النهايه ربنا يهدي و لو في خير للرجوع حاجه كويسه مفيش لازم الكل يتقبل ان كل شئ قسمه و نصيب سواء الطرفين اللي بينهم مشاكل او اللي بره العلاقه خالص و في كل الاحوال الحياه بتمشي
