لقاء كـ،ـ،ـ،ـارثي
رحاب…وانا سمعت النصيحه و رديت عليها ممكن امشي بقي عشان متأخرش قربت باستها من خدها يلا اشوفك بليل باي
رضوي…..سلام.
……………….
نزلت رضوي و خرجت علي بره لقت فضل كان لسه خارج و بيقرب من عربيته قربت هي كمان و هي رايحه علي عربيتها
رحاب….بهدوء هو انت لسه مروحتش الكافيه
فضل….ااا كنت بعمل حاجه و هروح الوقت
رحاب…..تمام انت كويس؟
فضل…..يعني الحمد لله انتي ماشيه ولا ايه
رحاب…..هو انا رايحه مشوار شغل بس معىفش بفكر امشي حاسه اني مخنوقه و مودي مش حلو
فضل…..ليه في حاجه حصلت
رحاب….لا عادي مفيش
فضل….امال في ايه ؟
رحاب….بابتسامه متشغلش بالك بيا انا تمام المهم انت تبقي كويس قولي محتاج اي حاجه اعملهالك
فضل….لا ربنا يخليكي يا رحاب تسلمي
رحاب….طيب لو احتاجت اي حاجه انا موجوده
فضل…..تمام يا رحاب شكراً
رحاب…..بابتسامه خلي بالك من نفسك
فضل….. بابتسامه بسيطه وانتي كمان
رحاب….باي
فضل…باي
………………
خرجت نادين هي و نغم من المخزن
وقفلت الباب وراحوا سوا علي بره
نادين….ايه كل المسدچ دي
نغم…. يمكن عشان مكانش في شبكه جوه
نادين….ميدو متصل كذا مره بقلق انا من الاتصالات الكتير دي
نغم….ان شاء الله خير انا كمان عمو احمد متصل بيا كتير
نادين….طيب شوفيه الوووو
عسال….. ايه يا قلبي فينك كل ده
نادين….كنت في المخزن في حاجه ولا ايه
عسال….لا بشوفك
نادين….حرام عليك انت علي طول راعبني كده انا قولت في حاجه
عسال….بابتسامه جه من وراها وحشتيني
بصت نادين بخضه و ضحكت نغم
نادين….حرام عليك وقعت قلبي انت بتعمل ايه هنا
عسال…..بضحكه جميله قولنا وحشتيني ازيك يا نغم
نغم…. بابتسامه الحمد لله يا ميدو لحظه هكلم بس عمو احمد
عسال….تمام
نادين….بابتسامه انت جاي ليه
عسال…. بضحك الله تاني ما قولنا وحشتيني
نادين…مش بهزر علي فكره
عسال…..والله وحشتيني و جيت اخدك
نادين….تاخدني فين
عسال…..هتيجي معايا البيت
نادين….الوقت
عسال…..اه الوقت في مشكله ولا ايه
نادين….لا بس الساعه 11 هرجع امته
عسال….لا ما انتي مش هترجعي هتباتي في حضني
نادين….بابتسامه اولا انا مش ببات في حضنك ببات في حضن ريهام ثانيا مش هينفع
عسال….ليه بقي ان شاء الله
نادين….عندي بكره شغل
