لقاء كـ،ـ،ـ،ـارثي
عشري….ضربه علي راسي متقولش لعمتي تسكت
ايمي….ماهو خاب خلاص شيخ العرب و محدش عاجبه
فضل…. بضحك ياستي سيبيني في حالي انا سايبك تقطعي في فروتي و ساكت عشان بحبك
ايمي….لا يا اخويا اتكلم
عشري…بضحك ساكته ليه يا لولي
ليله….بابتسامه لا عادي مفيش
فضل…..زعلانه مني يا عم مبتكلمنيش
ليله….لا خالص وهزعل منك ليه
عشري….انت ياض تقدر تزعلها اصلا و ربنا اموتك
فضل….لا مقدرش مش عشانك عشان هي اختي صح يا ليله
ليله…. بابتسامه بسيطه اكيد ربنا ما يجيب زعل
عشري….عملت ايه لمراتي ياض
فضل…..زعلانه مني اكيد عشان حوار الصور صح بس والله يا ليله الموضوع مش زي ما انتي و ايمي فاهمين
نجود….صور ايه
ايمي….احيه عليا انتي متعرفيش حوار الصور اصلا ابنك شيخ العرب ناشر صوره مع رحاب و عاملها قلوب
نجود…..صور ايه اللي مع رحاب يا فضل
فضل…..ايمي اولا انا منشرتش حاجه و الله العظيم هي اللي نشرت و عملتلي منشن و انا معلقتش عملت بس ريأكت وطبيعي تشوفوا الصور ثانياً الصور عاديه مفيهاش حاجه كانت مجرد صور من الايڤنت اللي روحناه و انتوا شوفتوا معانا شباب كتير و ورانا عربيات يعني في حدث اتوثق بصور مش اكتر بلاش تحسسوني اني عملت حاجه غلط
ايمي…..بص يا فضل بعيداً خالص عن حوارك انت و نعيمه و بعدياً خالص عن صورك انت و رحاب اولا احنا مش بنحاسبك انت حر لانك مش صغير تتصور تخرج تعمل اللي علي كيف محدش فينا واصي عليك بس حقي عليك انا و ليله و البنات عشري والشباب او أمك اللي قاعده دي اي حد بيحبك بجد لما يحس انك بتعمل حاجه غلط يقولك من باب النصيحه و يلفت نظرك ان اللي بتعملوا ده مش صح او توقيته غلط
فضل….وانا غلطت في ايه يا ايمي
ايمي….ماهو الكارثه يا فضل انك متبقاش عارف انك غلطت
نجود….وانت تخرج ليه معاها اصلا و لو خرجت يا سيدي لاي سبب ايه لزومها الصور
فضل…..بابتسامه غضب بسيطه خير يا امي صغير انا اياك عشان يتقالي اعمل ايه و متعملش ايه المفروض اني ابرر تصرفاتي
عشري…..فضللللل
فضل…..استني يا عشري عشان الموضوع بجد كبر و بقي يعصب كبرت انا بما فيه الكفايه عشان يتقالي اعمل ايه و معملش ايه و كلامي مش ليكي يا ايمي انتي وليله عشان متفهمش غلط انا كلامي مع امي اللي شايفه اني المفروض مخرجش والمفروض متصورش
