لقاء كـ،ـ،ـ،ـارثي
فضل….بهمس انا بقول تقوم تمشي و تقولهم يلا عشان ثواني وحاسس ان في حاجه مش تمام هتحصل
عشري…بضحك ايه حاسي انك خايف
فضل….ياجدع اقسم بالله بكيرزه وزغلول دول ما هيجيبوها البر
عشري….بضحك بكيزه و زغلول والله لو سمعوك لا هتتمسخر منهم
فضل…بطل ضحك واعمل حاجه
عشري…..وانا مالي و بعدين انت ساكت كده ليه ما تقول حاجه
فضل….بلاش انا انا سايبهم علي راحتهم يتكلموا عشان عارف اللي فيها كلامي هيزعلهم لو قولت اني مش معاهم هيقلبوا عليا و اكيد مش هكدب عشان مش مقتنع اصلا الحوار خلص بس عشان هما غالين عندي وعارف اللي في دماغهم سايبهم يخرجوا اللي جواهم براحتهم كلامي هيحرجهم و يضايقهم و انا مش عايز كده
عشري……صورك مع رحاب مضيقاهم يا عشري و حقهم انت غلطان والحوار مش هيتفعم غير كده
فضل…..حوار ايه هو بقي حوار محصلش حاجه يا عشري انا روحت معاها ايڤنت مهم هيفيدني في شغلي و كان نفسي اعرف اروحوا هي عرضت عشان عارفه اني مهتم وانا وافقت وبس دي كل الحكايه
عشري…وحياة امك طب والصور و السعاده اللي انت فيها عادي يعني
فضل…..هو مطلوب مني اقطع شراييني يا عشري ولا ايه
عشري….لا بس مطلوب منك علي الاقل متحاولش تستفز حد فيهم
فضل….انا مستفزتش حد و ده مش اسلوبي والصور هي اللي نزلتها وعملت عليها منشن
عشري….وتفتكر عملت كده ليه يعني مش عشان تضايق نعيمه
فضل….عشري انا مليش علاقه بشغل الحريم ده و بعدين انتوا ليه فاهمينها بالطريقه دي ما يمكن نزلت الصور عادي
عشري….انت هتستعبط يلا عايز تقنعني انك مش واخد بالك انها معجبه
فضل…..لا يا عشري مش صح الكلام بينا طول الوقت عن الشغل و العربيات و مفيش اي تلميح منها لاي حاجه وحتي لو اديك بتقول هي مش انا
عشري….وانت فاتح الطريق يا روح امك عاجبك الحوارات اللي عليك و من الاخر كده لو مبسوط و عايز تردها لنعيمه و تجرحها عشان كرامتك اللي نقحت عليك هقولك بلاش يا اخويا عشان كده هتخسرها بجد عايز تفضل زعلان واخد موقف اعمل ده براحتك بس اوعي تضايق ست بست زيها اذا كان الاتنين دول مضايقين و غيرانين عليك و علي صاحبتهم امال هي هتعمل ايه بلاش يا اخويا البت نفسيتها في الارض و بطولها في الغربه متعملش فيها كده
فضل….انا مبضايقش نعيمه بحد يا عشري قولتلك الخروجه جات ازاي و الصور مش انا اللي نزلتها و ااااه كرامتي ناقحه عليا عشان انا واثق ان اللي حصل معايا لو حصل مع حد فيكم مش هتقبلوها علي نفسك و بلاش بقي شغل مفرقتش معاك و في فرص و اللي بيحب بيتنازل وبيحاول وبيضحي عشان الكلام سهل وانا قولتها وبقولها تاني كل ده ممكن يحصل بس في حاله من اتنين اني ابقي غلطان في حقها او عندها سبب قوي للي عملتوا غير كده الموضوع خلصان يا عشري انا لو ستيبكم بس تفتحوا فيه رغم اني قولت مش عايز اتكلم تاني فا ده عشان بحبكم و عارف ان انكم بتحبوني انا ونعيمه و مقدر غيرتهم عليا و علي نعيمه و عارف انكم مش حابين الموضوع يخلص كده و انا زيكم علي فكره بس اسف يا عشري كرامتي هحطها تحت رجلي لو جيت عليها او جرحتها و هحطها علي رجلي لو نعيمه عندها سبب غير كده مستحيل يا اخويا لو انت رضيتها عليا مستحيل ارضاها عليك
