لقاء كـ،ـ،ـ،ـارثي
تامر….بهدوء طيب اهدي انا اسف والله متعيطيش خلاص اعملي اللي انتي عيزاه انا بس مش حابب تندمي بعدين و لا حابب تكوني بتتنازلي عشان خايفه لو ده سبب فا انا معاكي وكلنا معاكي بس انا والله مقصدش اضايقك متزعليش وخلاص انسي كل حاجه و برضوا احنا معاكي و اللي انتي عيزاه هيتعمل
نغم….ماشي
تامر…..متزعليش
نغم….انا مش زعلانه منك بس والله انا مش ضعيفه
تامر….بابتسامه انا عارف والله بقولك ايه ما تروحي تلبسي وتعالي ننزل نتمشي و نجيب حجات او تعالي نروح لايه نرخم عليها شويه
بصتلوا بهدوء و هب دموعها علي خدها
تامر….بابتسامه يلا بقي تعالي نروحلها شويه وبعدين نققل معاها و نجيب حجات ماشي
نغم…. بابتسامه ماشي بس عمو احمد
تامر…..انا هقولوا روحي يلا البسي
نغم….ماشي
……………………
وصلت ليله و طلعت علي فوق سلمت عليهم ودخلت قعدت
ليله …عاملين ايه
عسال…زي الفل
ليله…..نادين انا عايزه قهوه
نادين….حاضر حالا ميدو تشرب معاها
عسال….اه اشرب
نادين….ثواني ورجعالكم
طلعت ليله السجاير و قربتها من ميدو
ليله….امسك
عسال…بابتسامه ماشي ياستي
ولع سيجارته و هي ولعت سيجارتها
عسال….مالك كده البلطجي مزعلك ولا ايه
ليله….لا خالص والله
عسال…امال مالك شكلك في حاجه
ليله….اه مش في المود خالص
عسال….شكل كده حاجه بخصوص نوني صح
ليله….انا لا طيقاها ولا طايقه صاحبك
عسال….بابتسامه فضل هبب ايه
ليله….و الله ما عارفه يا ميدو هبب حاجه ولا انا اللي مكبره الموضوع
بس انا حاسه ان الموضوع بينهم بيكبر و بياخد طريق مش حلو
عسال…..ليه بتقولي كده حصل ايه
قربت نادين بالقهوه
نادين….لولي انا عملتها في المكنه ولا عيزاها عالنار
ليله….لا هاتي هاتي حلوه
نادين…دي بتاعتك يا ميدو
عسال….تسلم ايدك يا قلبي اقعدي اما نشوف المجانين عملوا ايه
نادين….في ايه يا لولي
ليله…امبارح اتكلمت انا وعشري مع نعيمه قولتلها فرصه تتكلم مع فضل و تعتذر عن اخر مره عشان فتكر انها قفلت و كده قالت تمام و عشري راح جاب فضل و سيبناهم بعد كده دخل كان طبيعي و بيضحك سألته انا وعشري حصل ايه قال لا تمام عادي اعتذرت و مفيش حاجه مكنتش مرتاحه اولا هما اتكلموا كتير اكتر من عشر دقايق اكيد مش كل ده اعتذار بس قولت تمام الصبح سالت نوني قالتلي نفس الكلام و انه سال عليها واطمن و قالها خلي بالك من نفسك طيب حلو بس هي صوتها مكانش حلو و طريقه فضل حتي لو بيضحك مكانتش مريحاني عديت عليه بعد الفكار قولت بهدوء كده انا وهو نتملم وافهم اللي حصل واحاول اتكلم معاه بهدوء واراضيه اكتر اتفاجئت ان رحاب هناك كانت في الورشه جوه و خرجت مره واحده
