لقاء كـ،ـ،ـ،ـارثي

عسال…..طيب ما احنا عايزين نعيمه تنزل هي طول ماهي بعيد مهما كانت المواجهه بينهم والكلام مينفعش في الموبايل يا ليله

نادين….ايوه يا ليله هي لازم تنزل او نقولها تاني اللي حصل بينهم يمكن لما تحس ان فضل بيضيع من ايدها يكون سبب انها تنزل و تتكلم معاه و تصلح اللي حصل

عسال…..بيتهيألي ده حل كويس يا ليله هي لازم فعلا تعرف و اقولك علي حاجه من وجهة نظري بيتهيالي هتجيب اوي مع نعيمه

ليله….قول

عسال…..يعني نصيحه انتي و البنات سخنوها بمعني ايه عرفوها اللي بيحصل وفي نفس الوقت عرفوها انكم وقفتوا كلام في حوارها هي وفصل و خرجتوا نفسكم او بمعني اصح استسلمتوا و رضيتوا بالامر الواقع انهم سابوا بعض بصي يا ليله نعيمه عارفه كويس ان حتي لو هي مش موجوده في ضهر وسند واقف وراها و بيدافع عنها اللي هو انتوا بس لو اكتشفت انكم شيلتوا ايدكم و عرفت ان فضل بيضيع منها و كمان انتوا معاه او مش شايفنوا غلطان هتبدأ تحس بخطر يعني اما تلاقي انه عايش حياته وانتوا اتأقلمتوا مع الوضع هتاخد اكشن صدقيني هتحاول ترجع و تصلح اللي حصل بنفسها لكن طول ما هي حاسه انكم الدرع الحامي بتاعها هي مطمنه جربوا كده تتعاملوا عادي حسسوها انكم خلاص مش هتدخلوا وكل شئ قسمه ونصيب و في نفس الوقت علاقتكم زي ما هي بفضل و كمان مش مضايقين انه ينسي او يعيش حياته صدقيني هتاخد موقف في صالحهم هما الاتنين جايز ظهور رحاب في الوقت ده مش الطف حاجه بس كمان ممكن يكون سبب قوي في قلم يفوق الاتنين

ليله….وافرض الموضوع جه عكس يا ميدو يعني قفلت وخدت الموضوع كرامه و لا هو اتسوح مع رحاب

عسال…نعيمه لو بتحبه بجد هتفهم و هتحاول تصلح غلطها و فضل مش هيتسوح و خليني اقولك ياستي هيتسوح عشان عقله مش فيه و كرامته هي اللي مسيطره الوقت بس صدقيني اول ما يشوف نعيمه قدامه هيحن انتي نفسك قولتي انه اتوتر لما شافك هيعمل ايه بقي لما نعيمه ترجع

ليله…افرض عجبته اللعبه و حب يغيظها و يضايقها

عسال….لو عمل كده يبقي ده اكبر اثبات لحبه لنعيمه من ناحيه بيرضي غروره كا راجل انه بيردهالها و من ناحيه تانيه هو من جواه واثق انه بيعمل كده عشان يضايقها و ده هيحرك نعيمه اكتر بصي يا ليله انا مش فاهم ايه اللي وصل نعيمه لكده بس اياً كان السبب نعيمه لو مشتته من اب حاجه الموقف اللي هما فيه حاليا ده يا اما هيفوقها و يفوقول و يتمسكوا ببعض اكتر حتي لو هيضايقوا بعض او هيأكدلهم ان هما الاتنين فعلا مفيش بينهم مشاعر حقيقيه جرب زي ما قولتلك مع نعيمه انتي و البنات واتفقوا انكم تبقوا عاديين و اتعمدوا تشكروا في رحاب صدقيني والله يا ليله لو حست انكم ماقبلين رحاب نعيمه هترجع و هتقولي ميدو قال