لقاء كـ،ـ،ـ،ـارثي
عشري…..لا يا حبيبي روحي معاها وانا هاجي اخدك
ليله….تمام ايمييييي استني انا هركب معاكي
ايمي….انتي راحه فين اصلا
ليله….هروح المطعم شويه
ايمي…..طيب و عربيتك
ليله…عشري هيبقي يعدي عليا انا جايه معاكي
عشري….ايمي انتي كويسه اتعصبتي اوي انتي
ايمي….انا كويسه و متزعلش مني يا عشري لو قولت حاجه ضايقتك جوه
عشري…..بطلي هبل مفيش حاجه بس اهدي كده انتي طلعتي مره واحده ليه
ايمي…عشان حرق دمي يا عشري عشان هو بيحب نعيمه و نعيمه بتحبه اه الحب في كرامه مش مفيش بس لازم يبقي في تمسك ولو واحد في الميه يعني ايه عايز مبرر يعني ايه عايز سبب قوي مش فاهمه افرض مفيش انا واحده لما عقلي بيغيب مني شويه ممكن اتصرف تصرفات غير مبرره مش معروف ان الست مزاجها متقلب مشاعرها غير مشاعر الراجل عندها مشاكل وعقد نفسيه و حوارات في عقلها هي بس من وهي طفله لحد ما كبرت و فجأه كل ده ينكد عليها من غير سبب بس عادي الراجل المفروض يبقي اعقل من كده و بعدين عايز سبب اتكلم معاها اسمعها اطلب منها ترجع روحلها اعمل اي حاجه تحسسها باهتمامك جرب يمكن تفهم و لو محصلش ارجع او اقفل الحوار خالص و ساعتها محدش هيقدر ينطق معاه و يقولوا انت معملتش اللي عليك بس عايز سبب و انت قافل و مش مديها فرصه تتكلم باماره ايه يا عشري
عشري…طيب اهدي انتي واثقه ان فضل بيحب نعيمه و لازم تعرفي ان مفيش راجل بيوصل لاحاله دي الا لو الست فارقه معاه و نعيمه فارقه مع فضل زي ما انا متأكد ان هو فارق معاها بس الاتنين دماغهم متخلفه و اكيد في حل لا نعيمه هتقبل تشوف غيرها معاه ولا هو هيقدر يتحمل يشوف غيره معاها
ايمي….مش بالكلام يا عشري بالفعل
عشري…طيب وحدي لله كده و بلاش هرموناتك انتي تطلع علينا عشان متتعبيش و ان شاء الله كل حاجه هتتظبط ليله خلي بالك منها
ليله….بهدوء حاضر يلا اركبي انتي وچوي چوب اركبي يلا
ايمي….سلام يا عشري و لو امونه عرفت اني كنت هنا قولها متزعلس بالله عليك انا مش هقدر اعدي عليها وانا مضايقه كده
عشري….ماشي حاضر و فكي هاااا اوعي تطلعي همك علي رشيد
ايمي….بابتسامة هاديه ماشي باي
عشري….سلام
راحت ركبت و هو قرب من ليله
عشري…..حبيبي خدي بالك من نفسك و من ايمي
ليله…. حاضر لما اوصل هكلمك
عشري….مش عايز القمر ده يبقي زعلان كده روقي هعدي عليكي ها و هنتسحر بره ماشي
