لقاء كـ،ـ،ـ،ـارثي

ليله….بضحك متقعدش مع البت دي كتير دماغك بقت سم زيها

نادين….بضحك انا يا لولي

عسال…..لا يا قلبي انتي قمر هي اللي رخمه طب بزمتك مش فكره حلوه

ليله….بابتسامه صراحه اه و عجبتني وتخيلت الموضوع عليا ثواني والله انفخكم لو حبيتوا حد غيري

نادين….بضحك انت هتقلبها علينا ليه

عسال….. بضحك لا بس هي صح فكري في الموضوع عليكي فجاه لقيتي البنات مش بيصلحوا بينا و كمان متقبلين بنت تانيه هتحسي انك لوحدك و هتتصرفي ماهو مفيش حل لرجوع نعيمه غير الطريقه دي

ليله….خلاص انا هعمل كده و هنشوف اخرتها بس انا مش هتكلم مع فضل تاني خالص في الموضوع ده

عسال…متتكلميش وخلينا نشوف هيحصل ايه

ليله….ماشي

…………………..

علي الساعه واحده في بيت ليله وعشري..

عشري…..بابتسامه اروح اتخانق معاه و اضربوا عشان زعل القمر بتاعي كده

ليله….بابتسامه بطل جنان انا مش مضايقه منه انا مضايقه من الموقف و من دماغه

عشري……طيب متزعليش تفسك انا هتكلم معاه

ليله….لا طبعا متعملش كده سيبوا هو حر يعمل اللي يريحه

عشري….لا مش حر للنه مش بيتصرف بعقل

ليله….حتي لو يا عشري هو معملش حاجه تتمسك عليه عشان تتكلم معاه

عشري…..خلاص اتكلم مع نجود تشوف صرفه في رحاب و تتكلم معاها

ليله….لا طبعا يا عشري مينفعش مش من حقنا و بعدين نجود هتعمل ايه هو فضل عيل صغير و كمان رحاب معملتش حاجه تخلي حد يتكلم معاها و لو فرضنا انها بتحاول تقرب منه مش من حقنا نتدخل و نقولها اعملي ايه و متعمليش ايه بص هو الموقف كله زي الزفت و الغلط كله علي نعيمه هي اللي وصلتنا لكده

عشري….حتي لو نعيمه غلطانه هي ازاي تقرب من واحد خاطب

ليله…..بس هو مش خاطب الوقت يا عشري فضل و نعيمه سابوا بعض

عشري…..مؤقتا هيرجعوا

ليله….حتي لو بالنسبه ليها هو واحد سنجل منفصل و حقه يتعرف و حقها هي كمان تقرب

عشري…….بقولك ايه الواد ده معصبني و عايز يفوق سيبيه عليا

ليله….عشري بلاش عشان خاطري فضل مش عايز يتكلم في الموضوع و صدقني ممكن انت وهو تزعلوا من بعض فا بلاش

عشري….ليله هو ضايقك بالكلام ولا ايه فهميني

ليله….بطل هبل انت مش عارف فضل اكيد لا كان بيتكلم عادي كلامه نفسه علي الموضوع هو اللي مش حلو مش قادره اعتب عليه اوي لان هو عنده حق في جزء كبير بس معرفش بقي انا عن نفسي مش متدخله تاني في الموضوع