لقاء كـ،ـ،ـ،ـارثي
نغم…..صدقني والله العظيم و رحمه انغام مفيش حاجه من كل ده
تامر…..يبقي تعرفيني في ايه و ليه عماله تغيري كلامك كنتي في الصيدليه بتعملي ايه
نغم…..بهدوء بصت بعيد عنه كنت بجيب حاجه
تامر….تاني
نغم ….والله العظيم مش بكدب كنت بجيب حاجه
تامر….حاجه ايه ؟دي صيدليه يانغم مش سوبر ماركت يعني اللي داخل بيجيب علاج و انتي مكنتيش بتجيبي علاج و اصلا معندكيش برد ولا باين ان في حاجه تعباكي عشان تجيبي مسكن و مش باين علي وشك لا ضغط عالي و لا ضغط واطي يبقي كنتي بتيجبي ايه بونبونيييي ولا بتهربي من حد ؟
نغم…..لا والله ااااا انا يعني كنت بجيب حاجه مش لازم تعرفها
تامر….هو ايه اللي مش لازم اعرفها
نغم….الاسانيير
تامر….نغممممم
نغم….بصتلوا و رفعت عينها عليه طيب انا قولتلك اهو
تامر….يعني ايه مش لازم اعرفها دي
نغم….يعني ااااا حاجه خاصه يا تامر حاجه بتاعت بنات
بصلها و هو رافع حاجبه و متعصب منها و حاسس ان في مصيبه رفعت عينها بهدوء و احراج فظيع بصتلوا
تامر…..نغم كنتي بتعملي ايه و جيبتي ايه و مين كان وراكي
نغم…..والله ما كان في حد ورايا انا كنت خايفه عادي لاني لوحدي و قولتلك كنت بجيب ايه
تامر…..لا مقولتيش يا نغم و بتكدبي
نغم….والله العظيم مش بكدب كنت بجيب حاجه خاصه بتاعت بنات
تامر….يعني اييييييه بتاعت بنات سكت ثواني ااا بنات
نغم….بصت في الارض و هزت راسها و وشها كان احمر خالص
تامر…..بجد ولا بتضحكي عليا؟
نغم….من غير ما تبصلوا بجد
تامر….طيب وريني يا نغم حاجه البنات دي
نغم…..بصتلوا بسرعه وهي مصدومه انت اكيد بتهرج مش هعمل كده طبعا
تامر….لا هتعملي عشان لو علي حاجه البنات زي ما بتقولي فا في فوق عند سلمي و ايه يعني انتي بتكدبي
نغم…انا مش كدابه و مفيش
تامر….لا في يا نغم و اخر مره خدتك الماركت لو تفتكري جيبنا و انتي بنفسك اللي حطتيهم في العربيه
نغم….والله العظيم مكانش في وبعدين حتي لو في دي حاجتهم هما
تامر….يعني انتي لو احتاجتي مش هيدوووكي
نغم …بصتلوا باحراج تامر علي فكره انا المفروض مفضلش اتناقش معاك في حاجه زي دي عيب علي فكره انا بقولك بس عشان تصدقني
تامر….وانا مش مصدقك و مش بتناقش معاكي في حاجه عيب علي فكره ولو عيزاني اسكت خليني اصدقك
