لقاء كـ،ـ،ـ،ـارثي
فضل….جميل اوي و فكره انك تحترمي راجل في حياتك و تقدريه حتي لو مفيش بينكم حب حاجه كويسه
رحاب…..لانه كان بيحترمني جدا و زي ما قولتلك مشوفتش منه اي حاجه وحشه و ده حقه عليا
فضل…..طيب هو انتي عشان محبيتيهوش رفضتي و لا حتي لو بتحبيه هترفضي انه يتدخل في شغلك
رحاب….والله يا فضل انا مجربتش احب عشان احكم علي قراراتي بس بيتيهألي اللي بيحب بجد ممكن يعمل اي حاجه عشان الشخص الي بيحبه يمكن عشان انا محبتهوش لما طلب مني اسيب شغلي حسيت الموضوع تقيل عليا جايز لو في حب علي الاقل كان هيبقي في نقاش كلام او ممكن اوافق علي طول من غير اي نقاش
فضل…افهم من كده انك عمرك ما حبيتي اصلا
رحاب…..لا حب حب لا انت عارف ان انا الكبيره وكنت عايشه مع بابا و رضوي بابا تعب قبل وفاته بكذا سنه و انا اللي كنت شايله المسؤوليه و بعدين جوزت رضوي و شويه و بابا اتوفي و بعد كده اتسحلت في الشغل مكانس عندي وقت او ممكن ملاقتش الشخص المناسب بعدها لما اتخطبت فكرت بعقلي بس لما الموضوع اتحط قدام شغلي مقدرتش بصراحه
فضل….انا اسف لو فكرتك بحجات مش حابه تفتكريها
رحاب….بابتسامه لا خالص بالعكس الكلام و الفضفضه بيريحوا
فضل….بايتسامه صح
رحاب….طب وانت
فضل….انا ايه؟
رحاب…..مش حابب تقول اي حاجه تتكلم تفضفض
فضل…..انا زي ما انتي عرفاني حياتي عاديه مفيهاش اي حاجه تتحكي
رحاب…..خالص
فضل….يعني خالص شغل بيت عيله الدنيا هاديه في هوايه واحلام بس
رحاب…..طيب و تجربتك مع نعيمه؟
فضل….مالها
رحاب…..يعني مبتفكرش في الموضوع انك تحاول تصلحوا بص هو لو انا فضوليه شويه ممكن متردش عادي بس لو حابب تتكلم انا اكيد سمعاك
فضل….لا مفيش فضول ولا حاجه بس انا مش حابب اصلا اتكلم في الموضوع هو كان موضوع و اتقفل و كل واحد راح لحاله و ربنا يسعدها
رحاب….هو انا اسفه لو فتحت الموضوع و انا والله مش حابه اخليك تتكلم فيه لاني بحس انك بتضايق و انا مصدقت اشوفك مبسوط انهارده و بتضحك بص خلاص انسي
فضل…. بالعكس والله مش مضايق بس اقصد مفيش حاجه فيه تتحكي موضوع و اتقفل
رحاب…..بمناسبه موضوع نعيمه انا بكرر اسفي ليك يا فضل انا حسيت اخر مره انك زعلت مني جامد و يمكن ده كان سبب من الاسباب اللي خلتني مجيش خالص طول الفتره دي مش زي ما قولتلك يعني مشغوله و عندي شغل بصراحه حسيت انك اضايقت جامد و يمكن ليله اضايقت و انا مكنتش اقصد صدقني و محبش ابدا ان حد يزعل مني
