لقاء كـ،ـ،ـ،ـارثي
نغم….ااا لا هو انا نسيت
تامر….اممم طيب قالك تاخدي دواء معين ولا قالك تعملي ايه
نغم….اااا لا ماهو انا بس عرفت هو قد ايه و مشيت قولت هبقي اسال عمو احمد اخد ايه
تامر…..وهو علاج عمو احمد ينفع معاكي
نغم…..عادي هو بيقول ان ضغطه بيكون عالي
تامر…..اه بس هو مريض ضغط مضطر ياخد علاج ليه انما انتي ضغط مؤقت و بعدين انتي بتقولي نسيتي كام علي كام و ان ضغطك واطي هتاخدي علاج ضغط عالي ازاي؟
نغم …اااا خلاص انا مش عايزه هبقي كويسه
تامر …لا ازاي بقي الاسانيير يشتغل و هاخدك في ايدي نشوف الدكتور ده ايه حكايته مش عارف ضغطك واطي ولا عالي و كمان مدكيش علاج انا هتصرف معاه عشان يعرف يشوف شغلوا كويس
نغم….طب و ليه انا اللي نسيت
تامر….تمام مش هتخانق هقولوا ضغطها كان كام عشان نسيت و هجيبلك علاج
نغم…..بنرفزه بسيطه هو انت مالك اصلا و ليه بتدخل؟
تامر…..نعممم
نغم….يعني اقصد خلاص انا كويسه
تامر….لا معلش خلينا نطمن
نغم …يا سيدي انا مش عايزه انا عايزه اطلع شوف الاسانسير انا هكلم عمو احمد انا
مسك منها الموبايل حطوا في جيبه
تامر….كنتي بتعملي ايه يا نغم و كنتي بتجري ليه ؟
نغم…مكنتش بجري
تامر….تمام بتمدي و بتتلفتي وراكي و خايفه
نغم….هو انت مالك بجد بتدخل ليه
تامر….. يعني ايه انا مالي
نغم…..يعني انت واقف تحقق معايا
و المفروض متسألنيش في حاجه متخصكش
تامر….لا يخصني و هعرف و حالا و زيك زي ايه و سلمي لما تبقي قاعده لوحدك مش هبقي اسالك بس طول ما انتي قاعده معايا هسالك و هتدخل
نغم….انا مش قاعده معاك انا قاعده مع عمو احمد وايه و سلمي
تامر….حلو يبقي نطلع و نقولهم اللي حاصل ده و هما بقي يشوفوا ادام انا مليش دعوه
نغم….لا لا خلاص
تامر…..طب قولي
نغم….تامر والله مفيش حاجه انا كنت بجيب علاج وبس
تامر….طب بصي انا بجد هبدأ اتعصب عشان في حاجه مش مريحاني شويه تقولي مسكن شويه علاج برد شويه لا بقيس الضغط والوقت تقولي بجيب علاج كدبك ده اللي شككني فيكي و انا الوقت لو معرفتش هاخدك من ايدك حالا و هروح بيكي الصيدليه و هسأل الدكتور كانت بتعمل عندك ايه ؟
نغم….يعني ايه انت شاكك فيا ؟
تامر….انا مقولتش شاكك فيكي انا قولت شاكك ان في حاجه حصلت معاكي مش هكدب عيني و انا شايفك بتمدي و بتتلفتي و خايفه ماهو يا اما حد كان وراكي او دخلتي الصيدليه تستنجدي بحد في حاجه مش مريحه
