لقاء كـ،ـ،ـ،ـارثي

رضوي…انتي غلطانه يا رحاب نعيمه لو بالنسباله ارتباط صالونات و سابته بالطريقه دي هيقول في داهيه و بكره اتجوز ست ستها.

بس عشان هي فارقه معاه هو مصدوم و حاسس ان كرامته وجعاه

لو حد غالي علينا يا رحاب و عمل معانا موقف وحش او جرحنا بأي فعل هنزعل جداً

بس لو نفس الفعل اتعمل من اي شخص عادي مش هيفرق معانا.

فا لأ يا رحاب فوقي فضل فارق معاه نعيمه متوهميش نفسك بحاجه و تصحي علي صدمه لما نعيمه ترجع لمكانها الطبيعي و للأسف و قتها مش بس هتتوجعي لو اتعلقتي بيه اكتر ده انتي منظرك و منظري هيبقي زي الزفت

رحاب….رضوي لو حايفه علي منظرك متخافيش انا عمري في حياتي ما هعمل حاجه تتحسب عليكي يعني اي تصرف ليا بره عنك انتي خالص انما لو علي منظري انتي عارفه كويس برضوا اني بحافظ علي شكلي كويس و اني مستحيل اغلط او احماك غلطي و زي ما قولتلك انا لسه في البدايه

رضوي…..رحاب فضل حتي لو اتجاوب معاكي هتبقي بالنسبه ليه مجرد مسكن لجرح نعيمه عمرك ما هتبقي دواء

رحاب…..ودي بتاعتي انا بقي يا رضوي انا اللي هعرف امتي ابقي مسكن و امتي ابقي دواء

رضوي…..طيب ليه يا رحاب ليه اشمعني فضل يعني مفيش بينكم حتي حب و عمرك ما قولتي انك حبتيه اشمعني هو خلينا بعيد احسن

رحاب….اولا انا مجيبتش سيرة حب لا من ناحيتي ولا من ناحيته انا قولت انه شخص مناسب معجبه بيه شيفاه كويس في حجات كتير اكيد كل خطوه هتحصل هتقربنا من بعض و هيحصل حب

رضوي…انا حابه بس افكرك بحاجه يا رحاب لما حصلت المشكله بتاعت ليله و حكيتلك عليها انتي كنتي متعاطفه معاها و جداً وقتها و خدتي صفها و قولتي ان هي معاها حق في اي رد فعل تعملوا قولتي عن مريم انها شيطانه

رحاب….حصل و لحد الوقت بأكد علي كلامك اه كنت متعاطفه مع ليله و شايفه ان محمد غلط في حقها و خدعها حتي لو كانت نيته كويسه وقولت كمان ان مريم شيطانه

رضوي…..و انتي كده هتبقي تفرقي ايه عن مريم يا رحاب ما هي عملت نفس اللي بتعمليه انتي الوقت

رحاب…..انتي بتقولي ايه لا طبعاً ازاي اصلا تقارنيني بواحده زي دي

مريم كانت عامله مصايب الدنيا و اتخطبت لمحمد وهي مخبيه عليه و لما عرف الحقيقه عرف نصها بس و لما حاول يساعدها كانت محضراله مصيبه اكبر و عايزه تكتب اسم عيل مش ابنه باسمه و سابها وهو ميعرفش كمان الجزء ده و قالها انه حب و قلبه اختار و هيفضل معاها و يساعدها هي قررت لما حست انها خسرت كل حاجه انها تخرب علاقته بليله و راحت بوظت الدنيا و بعد مشاكل كتير و بعد ما ليله رجعت لمحمد عملت مصايب اكتر كانت شر متنقل علي الارض حياتها باظت فقررت تبوظ حياة الناس كلها