لقاء كـ،ـ،ـ،ـارثي
نعيمه….بضحك انا خايفه افتحوا
ايه……اه اوعي في قنبله اكيد
نعيمه….متخوفنيش انا معرفش حد هنا اكيد في مصيبه
ليله…..مصيبه ايه ده شكلوا معجب يا ست نوني افتحي يا بت
نعيمه قربت ودنها من البوكس
ايمي……بضحك انتي بتعملي ايه يا بنت الهبله
نعيمه….بضحك لا تكون قنبله بجد
سلمي….. بضحك عاجبك كده يا ايه اهي صدقتك افتحي يا نوني يلا
نعيمه….ماشي استنوا
فتحت نعيمه الغطاء و اول ما فتحت الغطاء البوكس بالكامل اتفتح كان في ورد و شوكلت و كله صور ليها ولفضل و ليها هي و البنات مع بعض و في نص البوكس بالظبط مكتوب رساله..
حبينا في العيد ده نوصلك إحساسنا
إنك وحشانا وإن مكانك فاضي وإننا مستنينك ترجعي تمليه تاني بصوتك وضحكتك وجنانك
كل سنه وإنتي معانا حتي لو بينا مسافه وكل سنه وإنتي أقرب لقلبنا من أي حد بنحبك ايمي ليله نادين أيه سلمي..
حطت نعيمه ايدها الاتنين علي وشها و فضلت تعيط البنات ابتسموا بتأثر و دمعوا…
سلمي…..بابتسامه لا بصي هنعيط كلنا
ايه….نوني بنحبك والله اوي
نادين….كل سنه وانتي طيبه ومعانا ديما يا قلبي دي حاجه بسيطه
بعدت ايمي وشها عن الموبايل و مسحت دموعها..
ليله كمان مسحت دموعها وابتسمت وهي شيفاها
سابت نعيمه الموبايل ثواني و بعدت عن الموبايل و شويه ورجعت وهي باين عليها انها معيطه جامد
ايمي…..تعالي يا بت هنا
نعيمه….بضحك من بين دموعها انتوا مجانين صح عملتوا كده ازاي
ليله….بابتسامه مش مهم ازاي انتي عارفه ان حبايبنا كتير هناك المهم اننا معاكي حتي لو بعيد عننا يا جزمه
نعيمه….بدموع بجد انتوا فرحتوني اوي والله العظيم و متوقعتش اصلا تعملوا كده يا مجانين
ايمي…..دي فكره ليله قالت انها ناويه تفرحك في العيد و سالتنا لو حابين نفاجيئك معاها
ليله….بضحك عشان لو كنت عملت كده من غير ما اقولهم كانوا طلعوا عيني بس صراحه التخطيط بتاع الهديه كان بتاع نودي انا كنت هبعتلك ورد بس
نادين…..بابتسامه جميله يارب تكون عجبتك
نعيمه…تجنن والله عجبتني اوي
ايه…..طيب علي فكره في عديه
نعيمه….بضحك عدية ايه يا مجانين مفيش حاجه
ليله…..تحت الرساله اسحبيها
فكت نعيمه الكارت اللي مكتوب عليه الرساله و تحتها كان ملزوق عديه فضلت تسحبها وهي بتضحك ومبسوطه اوي
نعيمه….. ايه كل ده يا مجانين
