لقاء كـ،ـ،ـ،ـارثي
نعيمه….هنزل والله يا نسمه
نسمه….طب امته طيب نوني رمضان مكانش حلو من غيرك و مضايقه انك بكره هتعيدي لوحدك
نعيمه…..بابتسامه علي اساس يعني لما كنت في مصر كنا بنعيد انا كنت بقضيه نوم
نسمه….بس بتبقي معانا
نعيمه….حاضر والله هنزل متقلقيش انتوا هتعرفوا انهارده بكره عيد ولا لا صح
نسمه…اه ان شاء الله بس شكلنا بكره برضوا زيكم
نعيمه….كل سنه وانتي طيبه يا قلبي و متقلقيش مش ناسيه عديتك
نسمه….انا مش عابزه عديه انا عيزاكي انتي و اتفضلي قوليلي معاد بقي تنزلي فيه
نعيمه…..والله ما عارفه يا نسمه هشوف كده و اقولك
نسمه….تشوفي ايه يا نوني بس انتي مسافره قبل رمضان بعشر ايام و فات شهر رمضان كله يعني بقالك اربعين يوم مش كفايه كده بقي كلنا هنتجنن عليكي و حشتينا احنا مش وحشناكي
نعيمه….والله وحشتوني اوي
نسمه….طب كفايه كده و بعدين يا نعيمه الوضع عندك مش كويس و احنا مش هنطمن عليكي الا لو رجعتي اجنا خايفين الوضع يسوء اكتر انزلي بقي المطارات فتحت تاني انزلي احسن ترجع تقفل
نعيمه….حاضر يا قلبي كده كده مش هطول والله اصلا فرح سلمي و ابه قرب خلاص يعني اكيد هنزل عشان ابقي معاهم و كمان مشتنيه بس ورق الاقامه يخلص
نسمه….انتي بتعمليه ليه اصلا نعيمه انتي ناويه تستقري هناك
نعيمه….مش استقرار يا نسمه بس خليني اعملوا انا لسه مش عارفه هعمل ايه و مش عبزاكي تقولي قدام ماما وبابا عشان ميضايقوش
نسمه….نعبمه انا مش فهماكي و معرفش فيكي ايه و الاقامه اللي بتعمليها دي مش مريحاني مخلياني احس انك مقربه تبعدي عننا
نعيمه…ابعد فين بس يا عبيطه انتي انا بروح و باجي علي البلد علي طول يعني لازم اكون مخلصه ورقي
نسمه….ماشي يا نعيمه بس عشان خاطري بقي انزلي كفايه كده
نعيمه….حاضر يا قلبي ان شاء الله خير
……………….
في وسط اليوم جه رساله لنغم علي موبايلها فتحت الرساله كانت من تامر
تامر…..اخبارك ايه لسه تعبانه ؟
بصت نغم بغضب للرساله و بعدين ابتسمت بس مرضتش عليه كانت مكسوفه اوي و عارفه انه قاصد يرخم عليها.
………………..
في المساء الرؤيه ظهرت و عرفوا ان العيد بكره كل واحد من الشباب جهز عديتوا للبنات بشكل مختلف اللي بوكيه ورد مليان فلوس و اللي بوكس صغير ليه فتحه يتسحب منها الفلوس زي الشريط و اللي عامل مفجأه بشكل مختلف البنات اتبسطوا اوي عدي و سليم كمان راحوا لتقي و نسمه ادوهم عديتهم و رجعوا عشان الكافيه كان مليان ناس و معروف ان الوقفه بتبقي سهر و زحمه واحتفالات لكن محدش فيهم اتأخر عليهم .
