لقاء كـ،ـ،ـ،ـارثي
والمفروض اننا لما نشوفكم كده نسكت ونعدي و نقول معلش عادي و مجبرين نسامح بدل المره عشره و نتقبل تقلبات مش مفهومه عندكم عشان بس بنحبكم انما انتوااااااا لا
لازم سبب و لازم مبرر لازم نشرح بنمر بايه بنحس بايه نشرح تقلبات المزاج و الهرمونات و النفسيه اللي ممكن تأثر علينا نشرح الضغط و نشرح كل حاجه يا كده يا اما اسفين فرصه الرجوع ضعيفه هنشوف غيركم انت محبتش نعيمه يا فضل
فضل….انا يا ايمي
ايمي….اااااه انت يا فضل عشان لو حبيت نعيمه بجد هتحاول تلاقي ليها اي عذر حتي لو كان عذر اهبل تراضي بيه كرامتك اللي زعلان عليها دي اوي نعيمه يوم ما علت صوتها عليك انت ورشيد وحسان بسبب عشري طلعت فيها و في الكل و قولتلهم حالا اقلعوا دبلتكم كنت بقولها عشان اخرسهم و انا واثقه ان هما كانوا بس مضايقين عشان ليله كنت بقولها وانا واثقه في حب كل واحده فيكم و ان لو هتموت مش هتقلع دبلتها وحصلللل و اتمسكوا بيكم و اعتذروا و نعيمه اعتذرت ليك و للكل و قالت ان هي موجوعه عشان ليله و ده كان مبرر و ده كان مبرر رضي غرورك انت و هما و سكتوا مع ان اقولهالك بكل صراحه يا فضل اااااه هما كان معاهم حق في غضبهم و انفعالهم كل واحده فيهم وقتها حطت نفسها مكان ليله و حصلهم صدمه و خافوا منكم
بس انا عشان فكرت في الموضوع بعقل قولت انتوا صحاب و الطبيعي انكم تداروا علي بعض ورغم ان يشهد ربنا عليا فضلت كذا يوم علاقتي برشيد زي الزفت و شبه مش بنتكلم و احنا لسه متجوزين
بس شوفت ان هما معاهم حق انا نفسي مش طايقه رشيد بس عشان عارفه ان البنات بنحبكم والمفروض انكم بتحبوهم و عشان الشبطان ميدخلش بينا اكتر من كده اديتكم عذر و جيت معاكم علي البنات و انت يا عشري جيت معاك علي ليله حصل ولا لا
عشري…..بهدوء حصل
ايمي….اديت للكل اعذار عشان ده حقنا علي بعض و حقكم انتوا علينا تدونا اعذار لكل حاجه من غير اي مبرر و الحب هو اكبر سبب يخلينا ندي لبعض اعذار غير كده اسفه بالنسبالي ميبقاش حب غلط نعيمه الوحيد كان انها مدتلكش الحاجه بنفسها غير كده مقدرش اغلطها و مش هقول زيك مش هغلطها الا لما اسمع منها لااااا انا مش هغلطها خالص عشان اللي بيحب مبيستناش مبرر يا فضل زي ما الحب فيه مميزات في عيوب و زي ما احنا بنقبلكم علي عيوبكم انتوا مجبررررين تقبلونا علي عيوبنا
