لقاء كـ،ـ،ـ،ـارثي
ايمي…..مفيش حاجه كتير عليكي
ليله…..نوني عجبتك الصور
بصت علي الصور بتأثر و هي دموعها نازله وابتسمت و هزت راسها
ايمي…..ارجعي يا نوني عشان خاطري حبينا نبعتلك صورك انتي وفضل و نفكرك باحلي ايام عيشتوها سوا ارجعي يا نعيمه فضل بيحبك زي ما انتي بتحبيه
سلمي….اوعي تسيبي مكانك فاضي في قلب انتي واثقه انه بيحبك بجد متبعديش عن فضل يا نعيمه جايز تكوني كنتي حابه تبعدي و تاخدي بريك من كل حاجه واديكي عملتي كده كفايه بقي ارجعي
ليله……احنا واثقين ان الخطوه الي خدتيها دي كنتي متلغبطه بس واثقين كمان انك مش هتقدري تستغني عن فضل ارجعي عشان خاطرنا و عشان خاطر فضل و عشان خاطر نفسك
نعيمه….بدموع اعمل ايه طيب انا بوظت الدنيا يا بنات خلاص غصب عني والله كنت ضايعه و تايهه كنت فاكره اني بعمل حاجه صح بس اكتشفت اني كنت غلطانه
سلمي….نعيمه انتي بتحبي فضل مش كده
نعيمه….اكيد بحبه بس هو زعلان مني و حقه انا خسرت فضل و مش هقدر ارجعوا تاني
ليله….لا هتقدري عشان هو بيحبك زي ما انتي بتحبيه
ايمي…..نعيمه فضل اتجرح بس الاكيد انه بيحبك و مستني رجوعك صدقيني لما تبقي قدامه و يعرف انك جيتي هيرتاح حتي لو اظهر عكس كده اسمعي مني لازم ترجعي و لازم تتكلمي معاه و لازه تفهميه السبب
نعيمه…..مفيش سبب يا ايمي كل الحكايه اني كنت مضغوطه و تعبانه كنت حاسه اني مش عارفه انا عايزه ايه شكيت في حبي ليه و شكيت في حبه ليا كل حاجه ضغط عليا الفتره اللي فاتت فجأه حسيت اني لوحدي ليله سابتني و اتجوزت انتي اتجوزتي البنات مشغولين هو كمان مشغول حسيت فجأه اني مش انا بوظت كل حاجه خوفت علاقتي بيه بعد الجواز تبقي شبه امي و ابويا
كل الأفكار الوحشه سيطرت عليا
خوفت
ليله…بدموع نعيمه مفيش حاجه باظت يا قلبي انا وايمي جنبك جوازنا مستحيل يبعدنا عن بعض و ادينا اهو مع بعض انا والبنات و مفيش حاجه اتغيرت يعني كان مستحيل نسيبك او نسيبهم انتي كمان هتتجوزي والبنات تفتكري يا هبله جوازكم هيبعدكم عننا
ايه…..احنا مرتبطين بصحاب يا نعيمه هما كمان قريبين من بعض زينا بالظبط يعني مستحيل نبعد عن بعض
ايمي…..امك وابوكي يا نعيمه مش زيك انتي وفضل مفيش حد فينا علاقته تشبه اهلوا انا مقدره كل اللي بتقوليه و فضل هيقدر
