لقاء كـ،ـ،ـ،ـارثي
نعيمه….بدموع مش هيقدر يا ايمي فضل مش هيقتنع بأي حاجه و كمان هو خلاص راضي بالامر الواقع و شكلوا بيشوف حياته
ايمي…..مفيش الكلام ده بس ده هيحصل لو فضلتي بعيد ارجعي و رجعي مكانك متديش لاي حد الفرصه انه يستغل اللي حاصل بينكم ده
نعيمه…..مش هيسمعني و انا مش هقدر اقف قدامه
ليله….هتقدري و هيسمعك
نعيمه….اقولوا ايه طيب اعمل ايه انا عارفه اني غلطت في افكار كتير بس كمان مش هتحمل اني احس اني واقفه اتحايل علي فضل
ايمي…..مش هتتحايلي يا ايمي و احنا مش هنخليكي تعملي كده اصلا بس هتتكلموا و بعدين لازم تكوني مقتنعه من جواكي ان فضل موجوع يعني غصب عنك هتتحملي وجعه ده
سلمي….نوني فضل ليه حق عليكي و انتي مضطره تصلحي اللي حصل عشان تدافعي عن حبك ليه بس لازم تعرفي انه هيسمعك و هيفهمك عشان هو كمان بيحبك
نعيمه…..فضل مش زي حسان او عشري او رسيد او سلامه او حتي ميدو فضل ليه دماغه و مختلف عنهم مستحيل يسامح بسهوله فضل واخد الموضوع كرامه اكتر
ليله…..حقه يا نعيمه اكيد كل واحد فيهم ليه طباع مختلفه بس الاكيد ان حبهم لينا واحد و اللي بيحب بيسامح و بيعدي وزي ما قالت ايمي انتي مش هتتحايلي و لا هتنزلي من نفسك حتي لو غلطانه في حق فضل بس احنا هنجمعكم ببعض و هنخليكم تتكلموا المهم ارجعي و الباقي علينا احنا و الشباب متخافيش يا نوني كلنا معاكي و معاه و هترجعوا لبعض مهما حصل
ايمي….قوليلنا بقي هترجعي امته
نعيمه…..اااا مش عارفه بس هظبط واقولكم اكيد هيبقي بعد العيد
سلمي…..ماشي بس لازم ترجعي فرحتنا كلنا مش هتكمل بجد الا لو رجعتي انتي وفضل لبعض
نعيمه…..حاضر انا بحبكم اوي بجد ربنا يخليكم ليا
ليله….احنا بنحبك اكتر
نادين…..ربنا يخليكي لينا و ياريت بقي بما انك هتعقلي و تنزلي اتبسطي و انسي الوقت اي حاجه و انزلي اتمشي و غيري جو
ايه….اه يا نوني انزلي اتمشي اقعدي في مكان بلاش تفضلي لوحدك في البيت
ايمي…..كل حاجه هترجع زي ما كانت متقلقيش احنا بنحبك يا نوني اوي
نعيمه….بابتسامه وانا بحبكم اوي ربنا يخليكم ليا….
……………….
خلصوا البنات مكالمتهم مع نعيمه و فرحوها و قدروا يدوها دعم و قوه و حسسوها انهم معاها و اقنعوها تنزل و هيقفوا معاها و حست نعيمه انها فعلا لازم تعمل كده اخيراً لانها حست ان فضل فعلا هيروح من ايدها لو استنت اكتر من كده…
