لقاء كـ،ـ،ـ،ـارثي
تامر…..محدش يقدر يقرب منك وانتي معانا
نغم….بس انا بدأت انزل و اكيد عايزه اشتغل و اكمل في مجالي يعني مش طول الوقت معاكم و مش عايزه اي حد فيكم يتأذي بسببي كمان انا مش هفضل خايفه طول عمري او هربانه و كمان عايزه ارجع البيت بتاعنا
تامر…..نغم في محضر عدم تعرض و طول ما القضيه شغاله هما مستحيل يقربوا منك لان اي حاجه هتحصلك هما اول ناس هيتوجهلهم تهمه
نغم…..وهيطلعوا منها يا تامر زي ما هيطلعوا من موت انغام و انا الوقت لو بدور علي حق انغام لو جرالي حاجه محدش هيدور علي حقي ابويا نفسه يمكن ميعرفش اني موت او جرالي حاجه و ولا هيحس بغيابي اصلاً انا بحاول افكر بعقل اكتر بما اني مش هقدر اجيب حق انغام يبقي علي الاقل ارجع بيتنا
تامر…طب وحقك في اللي حصل فيكي حبسك اربع شهور و ضربهم ليكي
نغم….انا مش مهم يا تامر انا اهم قضيه بالنسبالي موت انغام واللي حصل فيها و لو هيخرجوا منها بالنسبالي مفيش حاجه مهمه
تامر…..طيب ما انتي لو خدتي منهم البيت مش هيسيبوكي برضوا
نغم….انا بمجرد ما هاخده هبيعه علي طول وهاخد بيت صغير في اي مكان بعيد عنهم لان اكيد مش هفضل هنا علي طول
تامر….وليه لا انتي مضايقه
نغم…..بالعكس بس كفايه كده انا بقالي هنا كتير اوي و مش عبزاكم تضايقوا مني
تامر….هو انتي حد اشتكالك شوفتي ان حد مضايق
نغم….لا والله بس ده الطبيعي يا تامر
تامر …عموما براحتك ده قرارك وانتي حره فيه
نغم…..هو انت شايف انه قرار غلط
تامر….لا انا شايف انك بتتنازلي و شايف انك مستسلمة و ضعيفه متزعليش مني و بعدين احنا من البدايه قررنا نساعدك و اكيد كنا عارفين ان هيبقي في وقت و مجهود و فلوس و يمكن خطر و كملنا و محدش اشتكي او اضايق يبقي انتي ليه توقفي
نغم….عشان خايفه يا تامر يمكن كنت مصممه الاول اخد حق اختي و عايزه الموبايل يتصلح عشان اكشفهم كنت فاكره لما بابا يعرف كل ده هو اول واحد هيقف معايا وفي ضهري ويجيب حقي وحق اختي بس ده محصلش الشجاعه اللي كانت عندي اختفت و خوفت علي نفسي و خوفت عليكم لان انتوا متستاهلوش اي حاجه وحشه عداوتي معاهم لو هترجع حقي و حق انغام و تحميني منهم هكمل فيها بس هي مش هتعمل اي حاجه غير اني هطلع خسرانه
تامر….نغم محدش فينا اشكتي انا معاكي هنكمل بلاش تضعفي او تستلمي عشان مترجعيش تندمي
