لقاء كـ،ـ،ـ،ـارثي
ايمي….هيهديه يا جوجو دول مجانين و بيموتوا في بعض سوء تفاهم عبيط و هيروح لحاله و بعدين ما كلنا بيحصل بينا مشاكل و المجانين اللي قدامك دول ابسط مثال واهم بقوا في بيت واحد ولا ايه يا عشري
عشري….بضحكه جميله طبعاً
فضل…..بهمس و ابتسامه هو في ايه
عشري….بضحك كل خير
فضل…..هو انا ليه عندي احساس اني معمول عليا كماشه و ليه عندي احساس الراجل الخاين اللي اتقفش من مراته
عشري….بضحك متقولش كده يا راجل انت بس امك داعيه عليك
فضل…..اممم ربنا يستر مش مرتاحلهم
ضحك عشري بهدوء و سكت وبصلهم
دخلت رضوي قعدت جنبهم
رضوي….بابتسامه منوره يا ليله
ليله….حبيبة قلبي ده نورك
نجود…..الحياه كلها مشاكل و اي علاقه صحيه لازم يحصل فيها مشاكل عادي
ايمي….طبعاً و دي اللي بتقوي العلاقه مين فينا معندوش مشاكل وخلافات و اصلاً هما لو مش زعلانين من بعض يبقوا مبيحبوش بعض
نجود…..بهمس كلموا نعيمه ترجع بقي عشان نخلص من الحوار ده فضل زعلان و مش عارفه اتكلم معاه
ايمي….بابتسامه و انتي هتصدقي ابنك برضوا يوم العزومه عند زوزو كلموا بعض يا اختي و ابنك كان داخل مبسوط
ليله…. بابتسامه حصل و نوني حكيتلي قالتلي انهم اتكلموا و طلب منها ترجع عشان خايف عليها من الضرب اللي حاصل
رضوي….ربنا يهديهم يارب هي اصلا المفروض ترجع عشان بس الضرب علي الاقل تبقي في امان
ليله….يارب هترجع قريب باذن الله
رحاب كانت سامعه همسهم و مبتسمه ابتيامه بسيطه و عماله تلعب في شعرها بهدوء و باصه في الارض.
نجود…..بسعاده بتتكلموا جد يعني اتكلموا فعلاً و احنا عندكم
ايمي….هنضحك عليكي يعني ابنك قرطسك يا جوجو و انتي جوه و الله العظيم قالت كده و قالها متخافيش و لو محتاجه اي حاجه كلميني وابقي ردي عليا
نجود….شوفي الجزمه القديمه ولا قالي سايبني عماله اهري و انكت في نفسي عشانه
ليله…. معلش يا جوجو هو اكيد مستنيها ترجع ويتكلموا اكتر و اكيد مستني يحلوا الموضوع بينهم عشان يفرحك
نجود….بابتسامه صح و انا حتي استغربت انه اتغير مزاجه فجأه و كان داخل مبسوط اتاريه كلمها
ايمي…. بابتسامه اتغير مزاجه عشان اتبسط لما سمع صوتها ربنا يهديهم دول مجانين والله بصت لرحاب و رضوي و ابتسمت ملكوش انتوا دعوه بالمشاكل دي خالص و لا تتعقدوا عادي بتحصل
