لقاء كـ،ـ،ـ،ـارثي
عشري…..بص علي ليله كانت بتترعش ليله انتي بردانه
ليله…..شويه الجو فظيع
عشري قام وقف و قلع الچاكت بتاعه كان لابس تيشرت نص كم تحت الچاكت و حطوا عليها
ليله ….انت بتعمل ايه البس يا عشري هتبرد
عشري…..لا مش هبرد انا تمام
ليله….مش هلبس والله متهرجش
عشري….هنفرج الناس علينا البسي يلا
ليله …هتبرد والله
عشري….لا والله انا تمام
لبستوا و قعد تاني جنبها
ايمي…المكان يجنن بس فعلا الجو برد اوي
عشري….احنا بنقعد في البرجولات دي في البرد بس الدنيا زحمه للاسف
رشيد…..انتي بردانه
ايمي….لا انا لابسه كويس بس هو برد
رشيد….طيب امسكي الچاكت كده عشان متاخديش دور برد محترم
ايمي….لا والله انا لابسه تقيل انا بتكلم علي انه برد علي ليله هي اللي لابسه خفيف
رشيد….طب حطيه عليكي عشان متبرديش انا لابس بكم من تحت
ايمي….والله ما بردانه
اتكلموا في اللي حصل عشان ايمي كانت متعصبه من بدري و رجعوا فتحوا الموضوع تاني
شويه والسحور نزل كملوا كلامهم و هما بياكلوا و بعدين فتحوا اكتر من موضوع و شويه و بقوا يضحكوا و يهزروا ليله نامت في حضن عشري و ايمي في حضن رشيد المكان كان يجنن و الجو برد بس تحفه و الاجواء كانت تجنن في المكان
شويه و لعبوا طاوله ليله لعبت مع رشيد و ايمي مع عشري
ايمي كسبت عشري و رشيد كسب ليله..
ايمي….بضحك جتك خيبه كسبك
عشري…بابتسامه شكلنا وحش اوي
ليله….علي فكره بقي رشيد بيخم
رشيد…بضحك يا مفتريه داه انا غالبك عشرتين
ليله….عادي ولا يهمني انا مكنتش مركزه اصلا
رشيد…بضحك جحة البليد بقي
ليله….بضحك شايف صاحبك
عشري…..بضحك مقدرش اتكلم مليش عين اتغلبت زيك
ليله…وعاملي فيها جامد و عامل اوضة للجيمنج
ايمي….بضحك فاضل بس اغلبو في البلياردو
عشري…ده بعينك
ايمي….هنشوف
ليله….بضحك اسكت طيب عشان هيطلع شكلك وحش برضوا
فضلوا قاعدين يضحكوا و يهزروا لحد ما الفجر اذن عليهم
طلب عشري الحساب و راح الويتر بالشيك حطه و مشي
رشيد….انت بتعمل ايه يا لاااا انا الكبير
عشري….وانا صاحب الفكره
ليله…..و انا تلجت اخلصوا
ايمي…..وانا خلقي ضيق اخلصوا
ضحكوا كلهم علي ايمي
ليله….قالتلكم وانا خلقي ضيق اخلصوا هنتضرب
رشيد….والله ما ها يحصل
عشري…..رشيد عيب
رشيد…..قول لنفسك سحب منه الشيك و دفع هو الحساب
