لقاء كـ،ـ،ـ،ـارثي

فضل…..لا انا مزعلتش انا بس فهمتك ان كلامك مكانش صح اينعم انا مختلف مع نعيمه بس انا عارف انها مش شخص وحش و اكيد ده حقها عليا اني احسن صورتها و لو علي ليله هي طيبه علي فكره بس متنسيش انها صاحبتها وعشره عمرها يعني طبيعي تهاجمك

رحاب…. بابتسامه خالص بالعكس انا مزعلتش منها و يمكن لما هاجمتني حسيت ان كلامي كان غلط و بصراحه انا بحبها يمكن متعاملتش معاها خالص بس من كلام رضوي والبنات و جوجو و طنط امينه و مواقفها حسيت قد ايه هي جدعه ومحترمه و بصراحه يابخت نعيمه بيها هي وصحابها اكيد مش زعلانه و يارب هي متبقاش لسه شايله مني

فضل…..لا ليله طيبه و اكيد هتفهم ان ده مجرد سوء تفاهم

رحاب…..طب ايه بقي مش هتقوم تكمل انا شايفه في شباب كتير جم و عربيات حلوه اوي

فضل….بابتسامه اه هروح كنت بريح شويه بس طب انتي هتفضلي هنا تعالي معايا يلا متقعديش لوحدك

رحاب…..طيب تمام استني بس انزل

فضل….بابتسامه انتي ايه اللي طلعك هنا اصلا

رحاب….بضحك كنت بتفرج عليكم اااااا لحظه ممكن بس اسند عليك عشان الشوز

فضل….تعالي هاتي ايدك

رحاب…اااا تمام يلا بينا

فضل…..يلا.

…………….

ليله كانت قاعده في المطعم وهي مخنوقه و مش في المود خالص و ماهاش مزاج تعمل اي حاجه قامت نزلت

ليله….استاذ عصام معلش انا عندي مشوار مهم و لازم اتحرك معلش تخلي بالك انت

عصام….طبعا خلبكي علي راحتك انا موجود

ليله…..معلش بس لازم اتحرك

عصام….مفيش اي مشكله اتفضلي

خرجت ليله من المطعم و ركبت عربيتها واتحركت مكانتش عارفه تروح فين بس مكانتش عايزه تقعد في المطعم لفت شويه وبعدين اتصلت علي نادين.

عسال….نادين ليله بتتصل عليكي

نادين….هات الوووو

ليله….ايه يا قلبي عامله ايه

نادين….بخير يا لولي انتي اخبارك ايه

ليله…كله تمام انتي في البيت ولا فين

نادين….اه في البيت مال صوتك

ليله….منخوقه شويه و مش في المود

نادين….طيب تعالي

ليله….انتي لوحدك ولا ميدو عندك

نادين…بصت لميدو لا عندي بس تعالي يلا

ليله…لا لا خلاص خلبها وقت تاني

نادين….لا هتيجي هزعل والله متبقيش رخمه انا قاعده انا وميدو تعالي اقعدي معانا

عسال……ايه يا لولي

نادين….اهو امسكي خليها تيجي شكلها مخنوقه

عسال….ايه يالولي عامله ايه

ليله….بخير يا حبيبي انت عامل ايه