لقاء كـ،ـ،ـ،ـارثي
ايه… بضحك ابو شكلك علاقه قذره
سلامه…. بضحك بحبك يا هبله امشي علي مهلك
ايه….حاضر لما اوصل هكلمك
سلامه….هتمثلي دي خطوه انيت مسافره يلا يابت مش فاضيلك
ايه…. بضحك اه يا وااااطي باي
سلامه…يضحك كلميني هاااا بهزر
ايه…ماشي يا قلبي باي
سلامه……باي
……………………
راح فضل هو و رحاب علي الايڤنت طول الطريق مسألتش خالص ليله مالها ولا بتتكلموا في ايه كانت حاسه ان شكلوا متغير و واثقه ان ليله اتكلمت معاه في حاجه تخص نعيمه و كانت حابه تكون ذكيه بانها متجيبش سيرتها خالص و لا تتكلم في اي مشاكل كانت عابزه تبعدوا خالص عن التفكير في حاجه زي دي و يمكن هي فعلا كانت ذكيه حاولت تشتت انتباهه بأكتر حاجه هو بيحبها حبت تكون مرحه و تتكلم في حجات كتير الا نعيمه…
وصلوا الايڤنت كان حدث كبير و ضخم وكله حماس يخليه غصب عنه يفصل عن اي حاجه عربيات كتير جدا شكلها يجنن شغل حقيقي في ابتكار و خارج عن المألوف
كان في عدد من الناس مش طبيعي كأنها حفله شباب و بنات كتير اوي
شو بسرعه العربيات و شو بصوت الماتور و شو بالتعديلات اللي معموله علي العربيات اصلاً
كان في حاله من الحماس غير طبيعيه عرفتوا رحاب علي ناس كتير و علي الشخص اللي كان بيتابعه اللي اسمه ديزل كان مبسوط اوي انه اتعرف عليه و اتكلم معاه كتير جرب عربيات كتير و صورتوا رحاب و هو راكب في اكتر من عربيه و صورتوا و هو واقف جنب العربيات و مع شباب كتير ومع الديزل و هي كانت معاهم في الصور
خدت كذا لقطه و هي متصوره جنبه و معاه لوحدهم مع اكتر من عربيه
و بعدين سابته يلف براحته و يقف مع الشباب و يتكلم و يفهم و راحت هي قعدت علي العربيه بتاعت فضل
علي الكبوت من قدام و عماله تتفرج عليه من بعيد و هي مبتسمه كل شويه يبص عليها من بعيد عشان سايبها لوحده ترفع ايده و تبتسم و تقولوا باي
كانت عيزاه يفك و يعيش الجو و يتبسط علي قد ما يقدر و في نفس الوقت كانت عايزه تبقي بعيد عنه عشان ميحسش انها قاصده القرب ده ..
بعد وقت من اللف و التجربه و الاسىله و الكلام مع الشباب قرب فضل و هو عرقان خالص و واضح انه عمل مجهود و خرج طاقه و باين كمان انه مبسوط
فضل…..بابتسامه و هو بيشاور علي العربيات و الشباب ده ايه العالم ده
رحاب…. بابتسامه ايه رايك ؟
