لقاء كـ،ـ،ـ،ـارثي

رضوي….طيب ليه كلامك معاهم غريب وليه النظره اللي شوفتها في عينك دي مبتسمه و بتتكلمي بثقه وتحدي حاسه انتي و هما بتتكلموا و كأنكم عارفين تقصدوا ايه و دي تاني مره اول مره حصلت لما قولتي الكلام اللي قوتليه ده لليله و هي وقتها زعلت في حاجه غريبه و مش مفهومه و كلامهم ده بيأكد شكوكي اشمعني ده حصل لما روحتي معاه الايڤنت و نزلتي صوركم انا كنت شايفه الموضوع عادي بس لا كلامهم عن ان اي حد يستغل مشكله بين اتنين لصالحه كانهم يقصدوكي يا رحاب ولا انا فاهمه غلط؟

رحاب….لا مش فاهمه غلط هما يقصودني فعلا

رضوي….بصدمه انتي بتقولي ايه يعني كلامهم صح يا رحاب ؟ انتي بتعملي كده فعلا

رحاب…..لا صح ولا غلط و عشان اريحك خالص انا مبعملش حاجه غلط و هقولهالك بصراحه فضل انسان كويس شاب زي القمر محترم تتمناه اي بنت في الدنيا و مش هنكر انا معجبه بيه بس مش معني كده اني بخرب حياته انا قربت منه اوووووو بحاول اني اقرب و هو منفصل يعني مفيش في حياته حد تقدري تقوليلي ايه المانع اني اقرب او اتعرف او حتي يعجبني شخص و احاول اني اتقرب منه هو مش الطبيعي ان ده يحصل انتي لما حبيتي عبد الله مش عجبك و حبيتي تتعرفي عليه

رضوي….بصدمه ايوه بس عبدالله مكانش في حد في حياته يا رحاب

رحاب…. بابتسامه و بالنسبالي ولا فضل في حد في حياته يا رضوي ده واحد كان خاطب و فركش خطوبته قبل رمضان بأكتر من اسبوع

رضوي….هو انتي حسباها مركزه اوي كده يا رحاب

رحاب….اه و ليه لا انا حسباها يا رضوي اه لاني مش بعمل حاجه غلط من وجهة نظري علي الاقل.

فضل شخص محترم واي بنت تتمناه وانا شايفاه مناسب و مفيش حد في حياته يبقي ليه لا انا لا روحت خدته من خطيبته و لا اسمه مكتوب علي اسم حد و لا انا كنت السبب في ان نعيمه تسيبه و بعدين انا معملتش اي حاجه معجبه بيه مش هنكر بس مروحتش قولتلوا ولا لسه خدت خطوه اني الفت نظره انا حتي بتعامل عادي زي ما كنت بتعامل معاه قبل كده

رضوي…..بس هو مش شخص فاضي يا رحاب نعيمه لسه في حياته الموضوع مش دبله اتقلعت وكلام اتقال في ساعة غضب فضل لو نعيمه مش فارقه معاه مش هيزعل انها سابته بالشكل ده

رحاب…..هو لو زعلان فا ده من حقه بس الأكيد انه زعلان عشان الطريقه اللي سابته بيها مش عشان هي فارقه معاه ولا حاجه