لقاء كـ،ـ،ـ،ـارثي
عشري….بضحك لا وعلي ايه انا قايم من وشك خالص
ليله…..بضحك استني شيل الحاجه من علي السفره الاذان هياذن
ايمي….ما تخلصي انتي كمان عامله فيها ست بيت
ليله….بضحك في ايه يا اوطي من الرصيف هتنقلي عليا
ايمي…..سيبييييني الصور حارقه دمي اوي يا بت
ليله…تفتكري نوني شافتها
ايمي….احسن يارب تكون شافتها الواطيه دي كمان ده انا لو لمحتها هجيبها من شعرها حظها اني مش هعرف اسافر وانا حامل و المصحف كنت هطب عليها زي القضي المستعجل
عشري….بضحك من بعيد امها دعيالها عيني عليك يا فضل انت والسحليه
ضحكت ايمي و ليه علي كلامه
و شويه و الاذان اذن و قعدوا فطروا مع بعض و بعد الفطار چوي شالت الحاجه و راحت ليله تجهز و عشري عرف من امه انها لوحدها.
……………..
بعد وقت مش طويل اوي دخل عشري و ليله وايمي نجود كانت طايره بيهم و مبسوطه بجد من زيارتهم او زياره ايمي بالاخص كانت مفجاه ليها لانها اول مره تروحلها
و لسوء حظ فضل رضوي و رحاب كانوا موجودين مع نجود تحت
فضل كان في الاوضه بتاعته بياخد شاور و بيغير بعد ما فطر و اتفاجئ بوجودهم خرج بص لعشري بصدمه
سلموا و قعدوا رحاب كانت راسمه ابتسامه علي وشها و طبيعيه جدا بس كانت عارفه ان وجودهم ليه سبب و السبب ده هي كانت مبتسمه و قاعده بكل ثقه
نجود…..ده ايه المفجأه اللي تجنن دي و الله يا ايمي انا مبسوطه اوي و متوقعتش خالص انك تيجي
ايمي….حبيبتي يا جوجو والله انتي اللي تجنني
نجود…..جوزك فين مجاش ليه معاكي
ايمي…..رشيد انهارده بيفطر مع حسان عشان بيجبوا مع بعض العفش بتاع البيت و بصراحه انا كنت عند ليله بفطر معاهم انهارده بما انه مش موجود و قولت لليله اني عايزه اشوفك
نجود….بابتسامه يا حبيبه قلبي والله فرحتيني
ليله…..قالتلي عايزه اشوف جوجو عشري كلم امونه عرف انك مش هناك قولنا نعملهالك مفجأه
نجود….والله احلي مفجأه و انتي كمان فرحتيني عارفه يا ايمي ان دي تاني مره ليله تجيلي اول مره انا فطرنا مع بعض و انهارده و زعلانه منها والله عشان مش بتجيلي
ايمي…..علي فكره لولي بتتكسف يعني مش بتعرف تروح لاي حد حتي اخواتها والله لو اميمه اتصلت بيها او قمر تروح غير كده مش بتروح الا لو في سبب
نجود….يعني هي مش بتروحلك مش بتروح لصحابها
ايمي…..والله العظيم من يوم ما اتجوزت يا نجود ليله كانت بتيجي عادي مع البنات بس لما حملت تستني رشيد يروح شغله تيجي تبص عليا و تشوفني محتاجه حاجه و تمشي حتي ايه و سلمي مبتروحش عندهم غير نادراً الوحيده اللي بتروحلها هي نادين عشان لوحدها كانت علي طول عندي بس قبل الجواز لان هي و زوزو صحاب اكتر مني اصلا فا هي طبيعه لولي بتتكسف
