لقاء كـ،ـ،ـ،ـارثي
رحاب….بابتسامه برضوا وجهة نظر بس كمان مع احترامي لرأيك و خبرتك انا لو بجد بحب شخص مش هقدر اشوف حياتي من غيره فكره اني اجرب حياتي بعيد عنه او انفصل انفصال مؤقت دي مش سهله و كبيره اوي اني اوصل للنقطه دي يعني في شك في حبي ولو واحد في الميه و لو في شك في الحب تبقي كارثه
ليله….ومين قال ان قرار البعد او الانفصال هو شك في الحب انتي لما بتبعدي او بتفصلي شويه بتبقي عايزه تشوفي المشكله اللي حصلت بينكم دي هيبقي فيها سماح وفرصه تانيه ولا مش هتقدري انا وعشري لما حصل بينا مشكله لما قررت ابعد مكانش عندي شك في حبي ليه بالعكس انا بعدت عشان حبي ليه ميضعفنيش و لما مشيت كان حب الدنيا كله ليه جوه قلبي كنت بس بحاول اشوف هتخطي اللي حصل ده ولا مش هقدر و مقدرتش رغم ان مش انا الشخص ده خالص اللي يرضي بمشكله زي دي بس حبي ليه كان اكبر من اي مشكله
ابتسم عشري بحب و حدفلها بوسه هاديه من بعيد
ابتسمت ليله بهدوء
ايمي….حصل و مشكلتهم دي بقي جنب مشاكل المجانين دول ولا اي حاجه و في الاخر اهم رجعوا و مع بعض و مبسوطين و ده اللي بقولوا ان البعد او الانفصال المؤقت حل في بعض الاوقات ولا ايه يا استاذ منك ليه حساكم متفرجين معانا
عشري….بضحك بنسمعكم
ايمي….لا معاك المايك تقدر تقول رايك
عشري…..رأيي معروف الاتنين دول بالاخص جوز مجانين و غلاوتهم في قلوب بعض محفوظه مهما حصل خلافات بينهم و طبيعي يحصل بينهم مشاكل وخلافات قبل الجواز علي قد ما بتبقي فتره حلوه بس الضغط اللي فيها بيعمل مشاكل كتير
نجود….عشري معاه حق و يمكن البنت في الفتره دي بتبقي حساسه و مضغوطه اكتر من الراجل يعني داخله علي حياة جديده و مسؤوليات طبيعي تحس انها متلغبطه و خايفه
ايمي…..علي فكره يوم فرحي الصبح دبيت خناقه مع اختي و قلبت علي رشيد و كان فاضل تكه واقولوا مش هتجوز مكنتش عارفه انا فيا ايه بس كل اللي فكراه اني كنت مضغوطه اوي و معنديش اسباب مفهومه رغم ان رشيد مكانش اول جوازه ليا بس يمكن المشاعر دي محستهاش اول جوازه كمان الست لما بتحب بجد بتحسبها اكتر و بتضغط اكتر و بتخاف و تتوتر اكتر
رحاب…..بس علي فكره كل دي مشاعر طبيعيه بتحصل عادي لكن اللي بنتكلم عليه الوقت مختلف يعني مهما كان الست بتفكر بالطريقه دي قبل فرحها كمان اكيد بتبقي مبسوطه انها هتتجوز الراجل اللي قلبها اختاره جايز تتلكك تتعصب تتخانق معاه علي اي سبب تافه لكن مش لدرجه انها تسيبه ولا ايه
