لقاء كـ،ـ،ـ،ـارثي
فضل…. بضحك لا والله مش قصدي و بعدين يا ستي قولتلك خلاص هحتفل معاكي بس انا بتكلم عشان ماقضيس الكام يوم دول والعيد لوحدك
رحاب…..بابتسامه تمام لو انت شايف كده هقعد
بصلها فضل و ابتسم بهدوء و هز راسه بارتباك من نظرتها
فضل….اااا يلا ننزل
رحاب…..يلا بينا.
…………………
في صباح يوم جديد شافت نعيمه صور عند فضل معمول عليها منشن من رحاب و شافت صورهم كلها مع بعض باين عليه انه مبسوط و بيضحك و صورهم مع العربيات و واضح ليها انهم في حاجه تخص العربيات و مبسوط اوي و لا كأن نعيمه في باله حست انه من بعد ما سمعها الكلام ده قرر بجد يشيلها من حياته و خارج مع رحاب و لا في دماغه اي حاجه حست ان قلبها وجعها اوي و نزلت دموعها بوجع فظيع لمحت كومنت ليها علي صوره من الصور كاتبه عليها happy day
وهو عاملها قلب علي الكومنت نزلت دموعها اكتر و حست ان فضل فعلا بيروح من ايدها ويمكن في اللحظه دي و رغم انها عارفه ان هي غلطانه
وانه ليه حق يزعل بس وجعها كان كبير اوي حست ان فضل مخدش وقت كافي يزعل عليها مخدش وقت كافي يلومها مخدش وقت كافي يسمعها كلام يوجعها اكتر و هي راضيه عشان يرتاح حست انها مفرقتش معاه و كأنه ما صدق متخيلتش انه بالسرعه دي يشوف حياته حتي لو مفيش جواه حاجه لرحاب و ان اعجابها بيه زي ما ليله قالت منها هي بس انه هو يخرج معاها و ينسي بالسرعه دي شعور قتلها كانت منهاره و مقضيه اليوم كله عياط وبس و كل شويه تبص علي الصور وترجع تنهار مكانتش مصدقه عينها..
……………
ليله و عشري راحوا لاميمه عشان العزومه الكبيره بتاعتها قضوا يوم حلو اوي و كالعاده وزعوا اكل و وجبات علي روح ابوهم وامهم و عشري كان اول مره يشاركهم و نزل وزع معاهم و بعدين فطروا و اليوم كان حلو اوي انتهي اليوم بهدوء علي الجميع الا نعيمه
…………………
في اليوم 28 عشرين
ليله….بطلي هبل يا ايمي
ايمي…..بت متعصبنيش اكتر ما انا متعصبه و محروق دمي انا شوفت الصور اتعصبت كأني قفشت جوزي بيخوني اسمعيني كويس بعد الفطار هكون عندك كده كده رشيد انهارده مش هيفطر هنا عشان هيروح مع حسان بيستلم جزء من الحاجه و مش هيسيبوا
ليله……طيب انا عامله علي الطريق مش عيزاكي تسوقي
ايمي….همشي براحه متقلقيش
