لقاء كـ،ـ،ـ،ـارثي

و اسمعني كويس يا فضل انا لما تعبت نفسي وجيت لحد هنا مجتش عشان اتحايل عليك تدي فرصه لنعيمه نعبمه مش عيوبه يا فضل عشان تتفضل عليها بفرصه انا لما جيت هنا جيت عشان اخويا عشان متحملتش اشوف واحده بتستغل اللي حاصل بينك انت ونعيمه لصالحها جيت عشان عارفه ان كرامتك ناقحه عليك و موجوع و وارد تتصرف غلط و تروح وراها عشان تردها لنعيمه و تبوظ الدنيا بينكم اكتر ما هي بايظه يعني جيت عشانك قبل نعيمه بس بقولهالك يا فضل من اللحظه دي لا انا و لا ليله و لا اي حد من البنات هينطق معاك باي حرف محدش فينا هيقولك انت صح او غلط او حتي يتدخل في حياتك و يعتبر نفسه ليه الحق فيك

انت حر اعمل اللي يريحك تخرج تصاحب تتصور تحب تشوف حياتك بره عننا سواء كان مع رحاب او غيرها اما نعيمه فا انا خلاص اقتنعت انها بره حياتك و صدقني انا عن نفسي لو نعيمه عايزه ترجعلك او حتي حاولت هقولها اياكي لان اللي ميخلقش عذر من تحت الارض للي بيحبها ميستاهلش يبقي معاها وواضح اوي ان نعيمه لما خدت القرار ده و بعدت عنك كانت شايفه اللي احنا مش شايفينه و يمكن اصلا انت السبب في كل ده هي لو فعلا كانت حاسه بحبك ليها و تمسكك مكنتش قدرت تبعد عنك بس واضح ان حبك ليها مكانش قوي بالشكل اللي يخليها تفكر الف مره قبل ما تعمل اللي عملتوا ده خلصت يا فضل و مبروك عليك حياتك الجديده يلا يا ليله

بصلها فضل و حس ان لا مش هو ده اللي عايزه ولا ده اللي اقصدوا جايز يكون حس ان معاها حق في حجات كتير بس كمان شايف ان محدش حاسس بيه و اللي بيتردد في باله كل لحظه اخر مقابله بينه و بين نعيمه لما حس من كلامها انها مش بتحبه و فكر تاني في كلام ايمي خاف بكون فعلا قصر مع نعيمه لدرجه انها تشوف ان هو مش بيحبها

خرجت ليله وايمي و بص عشري لفضل وسابه وراح وراهم.

ليله….جوجو جوجووو

عشري…يا نجود احنا ماشيين

خرجت نجود بسرعه والبنات اللي بيساعدوها وراهم معاهم حلو و حجات كتير

نجود….ماشين فين لا استنوا

ليله….متاخرين علي الشغل يا جوجو و الله

نجود…متهجروش اقعدوا في حاجه حصلت بينكم

ايمي….لا خالص بس هنمشي بقي زوزو عيزاني كمان

فضلوا يتكلموا شويه و بعدين سلموا عليها و مشيوا

ليله…..عشري انا هروح مع ايمي في العربيه لو هتبقي قربب ابقي كلمني و اجي معاك او هروح لوحدي في اوبر مش عايزه اسيبها اوحدها ايمي متعصبه