لقاء كـ،ـ،ـ،ـارثي

انما انا عملت ايه لكل ده عشان تقارنيني بيها انا مقربتش من فضل الا لما عرفت انه انفصل قبل كده انا عمري ما قربت منه حتي لما كنت باجي و اشوفوا اسلم عليه عادي و خلصت لا خربت حياته و لا بوظت علاقته و لا حاولت اخطفه من نعيمه و لا عمري اتعمدت الفت نظره او احاول اضايق نعيمه و اخليها تغير عليه او تشك في حاجه عمري حتي ما عملتلوا أي ريأكت علي اي صوره ليه طريقتي معاه كانت طبيعيه جداً

بس هو انفصل و بقي سنجل و هي سابته وسافرت يبقي ليه مقربش خصوصا اني مش شايفه من ناحيته اي فرصه للرجوع هو قافل الموضوع و انتي عارفه ده كويس لانه اتجرح و فضل راجل كرامته وجعاه من الطريقه اللي اتساب بيها يعني لو كانت مشكله عاديه وفيه نيه للرجوع مكنتش قربت خطوه انما مفيش يبقي ليه مقربش

رضوي……عشان دي الاصول يا رحاب هتتفهمي بطريقه غلط الكل هيشوفك حد وحش حد بيستغل مشاكل غيره حد بيخرب مش بيصلح حد بيتدخل في الخراب

رحاب…..وانا معملتش كل ده حتي لما قولت رأيي لليله اول مره و قولتوا انهارده كان معايا حق في كل كلمه لو علي نعيمه انا معرفش هي ليه عملت كده و يمكن عندها اسبابها انا متكلمتش عنها غلط و مش بجيب سيرتها ولما خرجت معاه متكلمتش كلمه واحده عليها

رضوي….ولما تقولي لصاحبتها قدامنا كلنا انها اكيد في حياتها حد تامي ده يبقي اسمه ايه

رحاب….انا مخوضتش في عرضها يا رضوي انا قولت كلمه حق و قولت حاجه مستحيل تتفهم الا كده واحده معندهاش اسباب و حتي معندهاش مشكله مع خطيبها و قررت تبعد فجأه اكيد يا اما شافت انه مش مناسب او حست انها مياله لحد غيره و علي فكره هي لو عملت كده متبقاش وحشه او خاينه لانها لو كانت كملت وفي حد في حياتها وقتها هتبقي فعلا خاينه بس لو بعدت تبقي مش عايزه تتحط في الصوره دي يعني انا اتكلمت عن رايي و شرحت وجهة نظري مش اكتر و لما حسيت ان ليله زعلت اعتذرت و الموضوع خلص و بعدين انا ليه حاسه انك متحامله عليا و مش واخده صفي انا اختك علي فكره يعني المفروض تبقي معايا انا مش مع نعيمه انا اللي بحاول اعملوا مع بعض هو نفس اللي ممكن اعملوا مع غيره بتعرف بطريقه كويسه علي شخص حابه ادخلوا في حياتي

رضوي….رحاب انا مش متحامله عليكي و لا واخده صف اي حد ضدك انا بتكلم في الصح مش اكتر و بالنسبالي اي شخص تتعرفي عليه حاليا وفي الظروف دي افضل ميت مره من فضل