لقاء كـ،ـ،ـ،ـارثي

ابتسم حسان و طلع بالعربيه..

………………..

في منزل احمد..

احمد….نغممممم يا نغممم

تامر….سكلها نامت

احمد….لا قالت هتصلي

خرجت نغم بسرعه وهي لابسه الاسدال

نغم….ايوه يا عمو

احمد…..تعالي يا حبيبتي

قربت و قعدت جنبهم

احمد….انا لسه حالا قافل مع المحامي و قولتلوا كل حاجه و يعني واضح انه مأيد الفكره وقالي ان كده افضل قبل ما الموضوع يدخل في الجد اكتر و وقتها مش هيبقي مساومه اصلا و هو قفل معايا و هيتصل مع المحامي يبلغه بطلباتك و هيشوف مع مريم و بعدين هنعرف الرد

نغم…..بهدوء طيب تمام يعني في حاجه المفروض اعملها ولا ايه مش فاهمه

احمد…لا انا بس بعرفك عشان لو حابه تغيري رأيكم اتصل عليه بسرعه هو قالي نص ساعه و هيكلم المحامي

نغم….لا خلاص يا عمو خليه يتصل انا مش هغير راي خلاص

احمد….ماشي هو هيتصل عليه و اكيد المحامي هيتصل الاول علي خالتك و بعد كده يرد علينا

نغم….ان شاء الله

احمد…يلا انا قايم اقرا شويه في المصحف

قام احمد و فضلت نغم قاعده باصه علي المكان اللي احمد كان قاعد فيه و سرحانه

تامر كان بيسجل حجات من الموبايل و بيكتبها علي ورق ساب القلم و بصلها مره واحده

تامر…..انتي ليه عايزه تتنازلي؟

بصتلوا نغم و سكتت ثواني

تامر….اااا يعني انتي حره طبعاً بس لو عايزه تتنازلي عشان خايفه او قلقانه احنا معاكي

نغم…. بابتسامه هاديه انا عارفه والله بس الموضوع مش خوف بس

تامر….امال ايه ؟

نغم….حجات كتير يا تامر

تامر….ايوه زي ايه

نغم….يعني المحامي نفسه بيعمل اللي عليه بس هو شايف ان في احتمال كبير منوصلش لحاجه في وقت و مجهود انتوا تعبانين معايا فيه في فلوس واتعاب محامي برضوا انتوا متكفلين بيها لو مقدرتش اوصل لاي حاجه الفلوس دي هتبقي اترمت علي الارض

تامر….طيب وانتي ايه اللي مضايقك حد اشتكالك يعني الوقت والمجهود والفلوس اللي بتتكلمي عنهم دول اشتكينا منهم

نغم …لا والله مس كده بس انا مش عابزه ده يحصل و يمكن لما البنات اتكلموا معايا و انا سالت عمو احمد علي رأيه هو كمان شاف ان معاهم حق خصوصا في قضيه انغام مش هياخدوا فيها حاجه و هيطلعوا منها
وووو واكيد خايفه الناس دي مش سهله زي ما انت متخيل انا لو وقعت تحت ايدهم المرادي مش هيرحموني مش هشوف نور تاني يعني لو حتي خدوا حكم و طلعوا مش هيسيبوني و يمكن ميستنوش لما اطلع اللي بره و بيساعدوهم هيخلصوا مني