لقاء كـ،ـ،ـ،ـارثي
نجود…..حتي لو كبرت ليا حق عندك يا فضل اقولك ايه الصح وايه الغلط
فضل….علي راسي بس قبل ما تنطقي بنصيحتك افهمي الاول
ايمي….خلاص يا نجود اقفلي الموضوع شكل النصيحه عموما مبقاش لبها لازمه قامت وقفت و ليله وقفت
فضل….بعصبيه بسيطه اقعدي يا ايمي و اقعدي يا ليله محدش فيكم هيمشي قبل ما تسمعوني عشان انا مش هتفهم غلط و منكم انتوا الاتنين بالذات
ايمي….خلصت يا فضل انت فعلا معاك حق محدش فينا ليه حق عليك يقولك اعمل ايه ومتعملش ايه جايز العشم خرب الدنيا معانا شويه مش اكتر
فضل….لا يا ايمي عشمك في محله افهمي يا ايمي بالله عليكي كلامي لامي و اوعي تفكري اني بسمع حكي ليكم انا بسمعك و بضحك و بهزر و واخد كلامك نصيحه فعلا بس اني عصبتني
عشري…..وامك قالت ايه غلط يا فضل هي خايفه عليك
فضل…..حقها بس تفهم يا جماعه افهموني بالله عليكم انا مش ناقص اتفهم غلط و اطلع انا الطرف الوحش في عينكم كل الحكايه اللي كبرتوها دي اصلها في الاول ان يوم الخروجه دي علي العصر لاقيت رحاب قدامي دخلت سلمت وشافت المكان باركتلي اتكلمنا عن الشغل و بعدها قالتلي في ايڤنت شغال بيتعمل مره في السنه بيقعد ثلاث ايام الايڤنت ده فكرته نفس فكرة المشروع الي بحلم بيه بشوفوا وعارفه بس عمري ما تابعت معاده او بيتعمل امته و فين و عشان معرفش حد اسالوا عمري ما روحت قالتلي لو تحب تروح و في ناس كتير هتستفاد منهم. و يعرفوك كل حاجه و تسال عن اي حاجه وتاخد خبره قولتلها تمام ليه لا اتفقنا نر ح بليل مع بعض بعد الفطار هي جاتلي و دخلت تبص علي المكان والخامات عادي بتتفرج و انا كنت واقف بره و ليله جات وشافتني كنت بلم حاجتي عشان اقفل سلمنا و قالتلي جيالك عشان عيزاك في حاجه في الوقت ده رحاب خرجت من جوه ليله لما شافتها وشها جاب الوان حسستني اني بخون نعيمه و بعدها مقالتش هي جايه ليه بس انا حسيت انها فهمت غلط سلمت ومشيت جريت وراها عشان افهمها لان زعلها غالي عليا بس هي مدتنيش فرصه اتكلمت في موضوع نعيمه و حقها كانت زعلانه بس انا قولت كل اللي كان جوايا و بعدها مشيت و روحت انا ورحاب عادي محصلش بينا اي كلام في حاجه غير العربيات الشغل عرفتني علي ناس كنت بشوفهم بس في الڤديوهات خدت ارقامهم عرفت معلومات لو فضلت سنين مش هجمع نصها اتصورنا مع الناس و مع العربيات و بعدها رجعنا وهو ده كل اللي حصل فا محدش فيكم يحسسني اني عملت حاجه غلط اعتبروها خروجه شغل
