لقاء كـ،ـ،ـ،ـارثي
فضل….جامد طبعاً انا مكنتش اعرف اني هتبسط اوي كده
رحاب….باين عليك اصلا بس شكلك تعبت
فضل…..لا خالص حماس مش اكتر
ابتسمت و خدت من شنطتها منديل و مدتلوا ايدها
رحاب….. بابتسامه امسح وشك
فضل…خد منها المنديل وابتسم معلش انا سيبتك كتير لوحدك حقك عليا
رحاب….خالص انا سيباك تتبسط و تتعرف علي الشباب و تتعامل انت بطريقتك و بعدين انا قولت اريح شويه و اتفرج عليك من بعيد بس قولي الاجواء عجبتك
فضل…..تجنن بجد
رحاب….طيب و اتعرفت علي الشباب
فضل….اه و دخلت الجروب بتاعهم كمان و بصراحه كلهم محترمين و ذوق و بيعرضوا مساعدات و عرفت منهم معلومات كتير انا قولت محدس هيقول معلومه كامله لاننا نعتبر منافسين
رحاب….بالعكس الشباب يجننوا و بجد بيساعدوا اي حد بيبدأ او عايز معلومه
فضل…دي حقيقه و عرفت منهم كمان علي اماكن كتير اقدر اجيب منها الخامات المستورده
رحاب…….طيب الحمد لله و اي وقت تحتاج حاجه علي فكره هيساعدوك لو كتبت في الجروب
فضل….اه ما الديزل قالي كده و علي فكره كمان قالي ان لسه في ناس جايه في الطريق
رحاب….اه ده في شباب جايين من محافظات الكل بيستني الايڤنت ده يا فضل لانه مهم جدا و خد بالك في هنا ناس جايه تعرض للبيع و في ناس جايه تعرض موهبه و تفرد عضلات
فضل…..طيب و هيستفادوا ايه لو مباعوش
رحاب…. بابتسامه هيستفادوا كتير طبعاً الناس دي بتفكر بذكاء اكتر او خلينا نقول بتلعب علي تقيل سهل اوي تعمل حاجه حلوه و تعرضها للبيع اكيد هتلاقي الزبون بتاعها فكره ان شاب ابن رجل اعمال تقيل يجي ياخد عربيه محدش راكب زيها في مصر فكره دارجه عند اغلب الشباب اللي واقفين قدامك دول بس وسط الشباب دي هتلاقي رجال اعمال بيحبوا يتبنوا الشباب و افكارهم و يدعموهم بالنسبه ليهم هما حصان كسبان لما يتعرض عليك مبلغ ضخم مقابل انك تشارك رجل الاعمال ده بنسبه يعني انت بالمجهود و هو بكل حاجه فلوس خامات موظفين تحت ايدك غير التسويق شايف التربيزات اللي هناك دي
بص فضل علي مجموعه تربيزات و فيها رجاله شكلهم كله هيبه قاعدين
و حواليهم بودي جاردات
فضل…..اه
رحاب….اهم دول ناس تقيله في البلد جايين هنا عشان يتبنوا احلي افكار و في كتير اوي اشتغلوا معاهم بنفس الطريقه و بقوا في حته تانيه الفكره مش بس في الفلوس يا فضل الفكره انك بتلاقي ناس تقدر الموهبه و تسوقها صح و دول بيعملوا كده
