لقاء كارثي

تامر……اللي جرب انه يتعامل مع البحر علي انه فاهمه وسامعه صدقيني ممكن يستغني عن البني ادمين يمكن انتي عشان مجربتيش بس لو جربتي هتدمني الوقفه قدامه حتي لو طالت بالساعات مش هتحسي بيهم انتي جايز انبهارك بالبحر او معرفتك بيه انه مجرد مصيف او نزول مايه او صوره حلوه لكن هو اعمق من كده بكتير

نغم….. بابتسامه و انت بقي حققت اي امنيه من اللي اتمنيتها

تامر….حققت حجات و في حجات مقدرتش احققها و يمكن اللي مقدرتش احققه ده تحقيقه سهل بس لسه ربنا مأذنش انه يحققه بس انا معترف ان في امنيات كانت غلط اصلا من البدايه او بمعني اصح اوقات بنتمني حجات مش صح

حجات بنفكر انها هتسعدنا هتخلينا مرتاحين هتغير حياتنا بس طبعا ربنا عارف في النهايه ايه الحجات اللي هتنفعنا و ايه الحجات اللي مش هتنفعنا يعني مش كل امنيه بنتمني انها تتحقق و ربنا ميحققهاش نزعل

لان ديما ربنا بيحقق بس اللي مكتوبلنا تحقيقه و اللي ينفعنا و يضيفلنا احنا طول بنتمني حجات كتير مش كلها صح و هتلاقي ربنا ديما بيبعد عنك حجات انتي بتتمنيها مش عشان يضايقك بس عشان هو عارف انها لما تحقق هتتعبك

نغم…..وانت اتمنيت امنيه قبل كل كده و اكتشفت انها غلط

تامر….اكيد و كل ما بتكبري و عقلك بيكبر انتي من نفسك الامنيات اللي كنتي بتتعلقي بيها و انتي اصغر بتختلف

نغم…..طيب ايه الامنيه اللي اتمنتها قدام البحر و اتحققت

تامر…..كتير يعني مثلا اتمنيت اجيب مجموع في ثانوي و ادخل هندسه و الحمد لله حققت ده يمكن وانا اصغر شويه اتمنيت امنيه متحققتش و اكتشفت بعد كده انها مكانتش شبههي اصلا

نغم….ايه هي

تامر….بابتسامه كان نفس وانا صغير اطلع ظابط و اتمنيت الامنيه دي قدام البحر علي فكره بس بعد كده غيرتها جايز عشان عرفت بدري انا حابب ايه وعايز اكون ايه

نغم….مزعلتش

تامر….خالص انا اصلا معرفش ليه كان نفسي اكون ظابط او تقريبا اغلب الولاد وهما صغيرين تساليهم عايز تطلع ايه لما تكبر يا اما بقولوا ظابط او طيار فكانت امنيه طفوله مشتركه عشان كده زي ما قولتلك انتي مع الوقت امنياتك اصلا بتتغير مع اختلاف سنك

نغم….طيب وايه الامنيه اللي اتمنتها و متحققتش

تامر….لما ايه مامتها و بباها اتوفوا انا كنت صغير بس خوفت اوي من الفكره دي خوفت من فكرة ان انا كمان امي و ابويا يتوفوا او يجرالهم حاجه كانت صعابنه عليا و في نفس الوقت مقدرتش اتخيل نفسي مكانها انا وسلمي اتمنيت اننا نفضل عيله و منتفرقش امي و ابويا يفضلوا جنبها