لقاء كارثي
لقاء كارثي
ان اخواتي اصلا يكونوا موجودين في يوم مهم زي ده ان بابي يكون وكيلي في كتب الكتاب انت عملت كتير يا ميدو عملت الصعب يعني اكيد هتقدر تعمل اي حاجه ولو معملتش انا كفايه عليا اوي اللي اتعمل
عسال….بابتسامه مفيش اي حاجه كتير عليكي يا قلبي انا مهما حاولت اسعدك هفضل حاسس اني مقصر و ديما عايز اعمل اكتر لاني ببقي مرتاح وانتي مرتاحه و مبسوطه و بتضحكي
نادين……بحب انا بحبك اوي يا ميدو
عسال…..وانا بحبك اكتر يا قلب ميدو ربنا يخليكي ليا و اقدر اسعدك وافرحك و يقدرني اكون زوج صالح ليكي و تحوني ليا زوجه صالحه
نادين….بضحكه جميله هو انت ممكن تبات معايا بكره
عسال…..بضحك لا يا شيخه ده المرادي مش بمزاجك ده غصب عنك مفيش بيات من غيري تاني
نادين….بضحك بيتهيألي الكلمه دي مش هقولها تاني صح
عسال….بضحك ابداً ده بقي امر واقع خلاص مفيش غير حضني
نادين….بضحك وانا موافقه جدا
عسال….بابتسامه طيب بقول ايه بقي ممكن القمر بتاعي ينام بقي و يرتاح عشان بجد والله اليوم بكره طويل انتي مستوعبه ان المفروض تكوني صاحيه و بداتي ميك اب و تجهيز من الساعه 11
نادين….بابتسامه مستوعبه جدا
عسال….طيب يلا يا عمري عشان الفرح هيبدأ الساعه اربعه يعني من بدري و هناخد اليوم من الاول
نادين…حاضر طيب انت هتنام
عسال…..هنام والله لازم ننام و نرتاح شويه
نادين….طيب خلاص هنام والله
عسال….يلا تصبحي علي خير يا احلي بنوته في الدنيا الصبح لما تصحي كلميني
نادين…حاضر وانت من اهل الخير باي يا حبيبي
عسال….باي يا عمري
قفل ميدو وهو مبسوط و هي كمان الاتنين كانوا عايشين حاله تجنن
……………….
في غرفه سلامه وايه..
سلامه…..امسكي اشربي اليانسون ده
ايه…..وهي بتكح ماشي
سلامه……خدتي العلاج بتاعك
ايه….اه خدته كله خلاص
سلامه…جعانه طيب ؟
ايه…لا لا مش قادره
سلامه…طيب انتي شكلك تعبان اوي
ايه…..لا مفيش انا تمام والله سكتت شويه و فضلت تعطس
سلامه…..اااااه باين انك تمام انا قولتلك هتاخدي برد
ايه….ياعم متقلقش انت عارف ان الحيوب الانفيه بتضيع عندي في البحر والجو ده بس الوقت ابقي احسن
سلامه……طيب يلا اشربي وبعدين نامي عشان بكره اليوم طويل و مرهق لازم ترتاحي
ايه…..حاضر و متقلقش انا هصحي كويسه والله
