لقاء كارثي
لقاء كارثي
محدش من الشباب غير لبسهم كان مريح اما البنات في منهم غير ايمي و امنيه حتي ايه كانت تعبانه جدا وبردانه غيرت نسمه و تقي و رهف و نغم كلهم غيروا بسرعه
سلمي و نعيمه و ليله محدش فيهم غير الشباب و البنات اكدوا علي غرفهم و اتأكدوا ان مفيش حد ناسي اي حاجه و بدأوا ينزلوا تحت علي عربياتهم يركبوا
الكل ركب و بقوا عنالين يتأكدوا ان مفيش حد مركبش و ان الكل موجود
نادين…..ميدو ميدوووو
عسال…ايه يا قلبي
نادين….مامي ركبت و بابي
عسال….متقلقيش كله تمام
نادين…طيب هما فين انا مش شيفاهم
عسال….شيرين واخواتك راكبين مع امي ومصطفي و بابا مع حمودي و زوزو وحماده
نادين…..اوك
ريحت نادين دماغها علي الكرسي و فضل ميدو رايح جاي مع الشباب
و وقت بسيط اوي ركبوا الشباب و ركب ميدو و اتحركوا كلهم من الفندق علي الساعه عشره بالظبط
كل العربيات كانت وراء بعض كانوا ماشيين بهدوء في اول الطريق لسه يادوب الفرح خلصان والكل مرهق جدا وفروا طاقتهم وجنانهم لقبل وصولهم بشويه طبعا العربيات كانت اكتر وهما راجعين عشان صحابهم ومعارفهم ..
مسك عسال ايد نادين باسها و مسك كفها بين كفه كان فرحان اوي
ابتسمت نادين و هي سانده راسها
عسال…..ايه تعبانه ولا ايه
نادين…. بابتسامه لا بس مصدعه شويه
عسال….انا كمان مصدع اوي لو حابه تنامي شويه لحد ما نوصل نامي
نادين….لا لا انا صاحيه معاك
عسال…..طيب بردانه
نادين…..لا مش بردانه
عسال….طيب مبسوطه
نادين….بضحكه جميله اوي بس يعني عندي فضول اعرف امته اتعلمت تركب الفلاي بورد
عسال….بضحكه جميله لما سافرت اول مره
نادين….يعني انت جيت مخصوص عشان تتعلم عليه و كنت بتضحك عليا
عسال….لا انا كنت جاي اصلا عشان الحجز و كل الحجات دي بس كمان كنت مقرر اتعلم و اتدرب عليه و عشان كده كنت رافض اخدك معايا
نادين….بضحكه جنيله ااااه عشان كده كنت مصمم
عسال….بضحك ما انا لو كنت خدتك المفجأه كانت هتبوظ بس يعني انتي مجاش في بالك خالص و لا حتي شكيتي اني اسمريت
نادين….لا خالص والله انا اصلا نسيت الحوار ده و مجاش في بالي انك تعملوا انا فعلا استغربت انك اسمريت بس برضوا والله مجاش في بالي خالص بس انت بتعرف تلعب عليه بجد
عسال…. بابتسامه تجنن هو سهل ومش سهل بس حاولت و كنت بصحي من بدري اتدرب عليه ولما خلاص اتأكدت انا عرفت ليله قبل السفريه التانيه و طلبت منها تختارلك فستان تاني لان الشاب اللي كان بيدربني قالي الاحسن يكون فستان قصير و مش كبير عشان تقدر تتحكم في وقفتك
