لقاء كارثي
لقاء كارثي
ليله…انتي كلتي ؟
سلامه….كلت بالعافيه حاجه بسيطه مش راضيه تاكل
ايه….والله زوري واجعني مش قادره و مش جعانه
ليله….طيب خلاص سيبها علي راحتها بس لو المسكن سكنلك شويه ابقي كلي حاجه تاني او اشربي عصير
ايه….ماشي حاضر والله
عشري…..هبص علي ميدو لو احتاجت حاجه قولي سلامتك يا يويو
سلامه….ماشي يا حبيبي.
ايه…..بابتسامه الله يسلمك
…………….
قرب سليم من نسمه كانت واقفه وشها علي البحر و بتبص في الموبايل علي صورها
سليم…..وحشتيني
نسمه…..ااااااا خضتني
سليم….بأبتسامه يعني انا خضيتك و الفرح و الهيصه دي عادي
نسمه…..بضحكه جميله لا بس كنت مركزه
سليم….ايووووه مركزه في ايه بقي
نسمه…..كنت بتصور
سليم…خرباها انتي تصوير انهارده
نسمه…..بضحك و مفيش ولا صوره عدله
سليم…..ليه حلوين والله
نسمه….لا مش حلوين كلهم متحركين
سليم…..طب اقفي تعالي اصورك
خد منها الموبايل و وقفت قدامه تتصور فضلت تضحك كانت مكسوفه و مش عارفه تقف ازاي
سليم….بضحك في ايه يا عبيطه يلا اقفي
نسمه…..بضحك طيب اعمل ازاي
سليم…اللي يعجبك
نسمه….بضحك طيب ما انا هتكسف
سليم…بضحك تتكسفي من ايه مني
نسمه….يعني هيبقي شكلي عبيط اوي و انا عماله اقف عشان تصورني
سليم….بضحك لا عادي انتي كده كده عبيطه اقفي يلا
نسمه….بضحك مين دي اللي عبيطه انا يا سليم
سليم…..اه انتي يا بوووه يلا يابت اقفي
نسمه…..اممم طيب اقف ازاي
سليم…..بصي علي البحر
نسمه….بضحك طب متضحكنيش
سليم….هو انا نطقت انتي اللي بتضحكي يلا اخلصي
فضل يقولها تقف ازاي و هي تسمع كلامه في الاول كانت مكسوفه بجد بعد كده بقت تقف و الصور عجبتها و اتصورت معاه كتير
سليم….يلا ايدك علي خمستلاف جنيه حق التصوير
نسمه….ايه النصب ده ليه مصورني صور فرحي
سليم……انتي شايفه مصورك قد ايه
نسمه….طب ما انت متصور معايا كتير
سليم….طيب خلاص يا ستي هاتي النص
نسمه….بضحك طيب ماشي موافقه
سليم…..بابتسامه مش بقولك عبيطه
نسمه…..بقولك ايه كلت
سليم….اه الحمد لله سؤال بقي صليتي
نسمه….اممم بصراحه صليت الظهر بس
سليم…..و العصر و المغرب راحوا كده
نسمه….ماهو انا مكنتش هعرف اصلي
سليم…..خدي بالك بقيتي بتدلعي و شكلي هرجع للعقاب تاني
نسمه…..والله العظيم بصلي كل صلاتي هو انهارده بس اللي ملحقتش و مكنتش عارفه
